2024-06-14
HomeEkintza PolitikoaHatortxurock-ekin bat #HTX20

Hatortxurock-ekin bat #HTX20


ELA, LAB, ESK, CGT, STEILAS eta HIRU sindikatuek bat egiten dugu Hatortxurock-ekin. Hatortxurock musika-jaialdi bat baino gehiago da. Elkartasunezko ekimen bat da, euskal presoei aplikatzen zaien sakabanatze-politikaren ondorioak salatzeko, eta hein batez arintzeko.

Sakabanatze-politika zigor gehigarri bat izan da euskal presoentzat, eta baita haien ahaide eta lagunentzat ere (helduak, haurrak eta adinekoak). Horiek astero milaka kilometro ibili beharrez daude. Diru-hustea eta nekea ez ezik, errepidean istripuak izateko arriskua ere badago, eta arrisku hori benetakoa da, orain arte ehunka ahaidek zauriak eta kalteak jasan dituzte errepideetan, eta haietako 16 hilik geratu dira.

Sakabanatze-politika gizagabea eta mendekuzkoa da. Politika horri gaur egun eustea onartezina da, kontuan hartuz ETAk alde bakarretik jarduera armatuari utzi zionetik sei urte igaro direla, eta erabateko armagabetzetik hiru hilabete.

Horregatik ELA, LAB, ESK, CGT, STEILAS eta HIRU sindikatuok dei egiten dugu Hatortxurock jaialdian parte hartzera, eta batik bat igandean, uztailak 30, eginen den sakabanatzearen aurkako ekitaldian.

 

 

 

AZKEN ALBISTEAK | ÚLTIMAS NOTICIAS

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.

Lan hitzarmen honi ez, irakasleen lan-baldintzak borroka ditzagun

Lau urte luze igaro ditugu Hezkuntza Sail honekin Akordio Arautzaile edo lan hitzarmen berria negoziatu nahian. Baina zoritxarrez ez da borondaterik egon gobernuaren aldetik eduki gehigarriak mahai gainean jartzeko eta ez gara adostasunera iritsi. Hori horrela, ekainaren 13an, Irakasle funtzionarioen mahai sektoriala burutu da, bertan irakasle funtzionarioen lan baldintzak arautzen dituen akordio proposamenaren sinadura izan da gai bakarra. Horrela, funtzioetan dagoen Hezkuntza Sailak amaitutzat eman du orain arte izandako akordio proposamenaren negoziazioa.

Osakidetzako mantentze-lanak pribatizatzeko bi espediente baliogabetu ditugu, horietako bat Euskal Autonomia Erkidegoko Auzitegi Nagusian #LortuDugu

Arabako ESIaren zuzendaritzak Zerbitzu orokorren eraikineko klimatizazio instalazioaren mantentze-lanak, 217.800 euroko balioa dutenak, pribatizatzeko duen asmoak EAEko Justizia Auzitegi Nagusiaren epai batekin egin du topo berriro. Gainera, Kontratuen inguruko Errekurtsoen Administrazio Organoak Arabako ESIko Instalazio elektrikoak egoitzeko eta berritzeko beste espediente bat ere baliogabetu du (290.000 €).