2024-05-27
HomeIndustriaFederazioaEspainiako Gobernuko presidenteordeak Mercedes-Benzera egindako bisita arbuiatu dugu

Espainiako Gobernuko presidenteordeak Mercedes-Benzera egindako bisita arbuiatu dugu

LABek irmoki arbuiatu du Espainiako Gobernuko presidenteorde Soraya Saenz de Santamariaren bisita, Gasteizko Mercedes-Benz lantegira. Berak eta bere gobernuak Espainia Eredua ordezkatzen dute, eta eredu horrek prekarietatea eta iruzurra besterik ez ditu ekartzen. Euskal Herriko langile klaseak arbuiatzen duen eredu bat da, hain justu.

Espainiako Gobernuak Mercedes-Benz enpresari babesa ematen diola ulertzen dugu bisita honekin, eta hori larria da oso, kontratazioan egindako iruzurra dela eta, 550 kontratu mugagabe egitera behartu baitzuen enpresa Lan Ikuskaritzak. Gainera, enpresak jarraitzen du ehunka pertsona behin behinekotasun egoeran izaten. Hain zuzen ere, iruzurrean sakontzen ari da behin behineko langileak kaleratzen dituelako, kontratazio berriekin ordezkatzeko, kontratu mugagabeak egitea saihesteko. Hau guztia gutxi balitz, erabateko malgutasuna aplikatzen du lantegian eta osasunean eragin kaltegarria duten lan erritmoak mantentzen ditu.

Hau guztiaren aurrean, LABek bisitaren aurkako jarrera erakutsi du, eta enpresaren zuzendaritzak antolatutako harreran parte hartzeko gonbidapenari uko egin dio -ELA eta ESK sindikatuetako sekzio sindikalak bezala-. Uste dugu gonbidapen hori egun batetik bestera egin dutela, sindikatuen aurkako jokabide antidemokratikoengatik aurpegia zuritzeko langileen eta langileen ordezkarien aurrean.

LABek Euskal Herriaren burujabetza eta enplegu duina aldarrikatzen jarraituko du, prekarietatea dakarren Espainia Ereduarekin amaitzeko bidean.
 

 

 

AZKEN ALBISTEAK | ĂšLTIMAS NOTICIAS

Iruñea-Tuterako San Juan de Dios ospitaleko langileek ez dute “low cost” langileak izaten jarraitu nahi

Mobilizazioa egin dute Iruñeko Udaletxe plazan, zuzendaritzari negoziatu dezala eskatzeko. Enpresa-batzordeak 5 hilabete daramatza 2022ko abenduan bukatu zen hitzarmen kolektiboa berritu nahian. Soldata duinak eskatu ditu, bizitzaren garestitzearen eta KPIaren arabera eguneratutakoak.

Bergaran lan istripua izan duen langile bat oso larri dago

Atzo arratsaldean lan istripu larria gertatu zen Bergarako Embalan3 enpresan. Enpresako langilea, kamioi bat zamatzen ari zela, zama gainera erori eta azpian harrapatuta geratu zen. Une honetan langilea oso larri zaurituta dago erietxean.

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.