2024-02-28
HomeUncategorizedGure osasuna ez da negozioa

Gure osasuna ez da negozioa

Azken hilabete hauetan eta batez ere azken asteotan, haur eskoletan diarduten eta haurdun dauden zenbait langileren kexak jaso ditu LAB sindikatuak Mutualiak egiten duen haurdunaldi edota edoskitzaroko arriskuagatiko prestazioaren kudeaketaren inguruan. 
Kexon oinarria MUTUALIAk prestazioaren kudeaketa atzerapen handiz egiten duela izan da. Haurreskoletako langileek 24astean betetzen dutenean, beren lanpostuetan egiten duten lanaren ezaugarriengatik, beraien lana bere haurdunaldiarentzako kaltegarria izan daitekeelako, haurdunaldi edo edoskitzaroko arriskuagatiko baja hartzen dute. Orain arte Haurreskolak partzuergoko langileok 24 astea baino lehen haurdunaldi edo eta edoskitzerako arriskuagatiko prestazioa tramitatzen genuen eta 24 astea betetzerakoan haurdunaldi arriskuagatiko prestazioa jasotzen genuen. Orain aldiz, 24 astea betezerakoan soilik hasi gaitezke prestazio mota hau tramitatzen eta 2 eta 3 aste zain egon behar dira prestazioa onartzeko. Tramitazio hau burutzen den bitartean,prestazio hau jasotzeko beren lanpostuetan lanean jarraitu behar dute beren haurdunaldia arriskuan ipiñiz.

MUTUALIAk telefonoz adierazi digu atzerapena prestazioa kudeatzen duten langileen lan karga handiaren ondorioa dela.

Beraz, LAB sindikatuak adierazten du MUTUALIAren kudeaketa arazoek ezin dutela handitu Haurreskolak Patzuergoko langileek jasan beharreko arrisku maila.

Hau dela eta LAB sindikatuak honako eskaera hau egiten du:

  • Ahalik eta lasterren, haurdunaldian zehar edota edoskitzaldi naturaleko prestazioaren kudeaketarekin dagoen atzerapen arazoari MUTUALIArekin konponbidea ematea.
  • 15 eguneko epean Lan Osasun eta Segurtasun Batzordeari ez ohiko deialdia luzatzea, haurdunaldian edota edoskitzaldian arrisku egoerak saihesteko, 6. puntuan azaldutako proposamenak (arriskuen ebaluazioa eta jarduteko protokoloa) aurrera eramateko asmoz.
  •  Ahalik eta arinen, (15 egun baino gutxiagoko epean) MUTUALIA mutuarekin 8. puntuan azaldutako aspektuak argitzea, hau da, langilearen haurdunaldiaren egoerarako lanpostua bateraezina den ala ez baloratzeko ez zehaztea era mekaniko edo automatikoan, baizik eta beste aspektu batzuk kontuan hartuz Haurdunaldiaren bilakaerak, langilearen osasun egoerak eta beste zirkunstantzia azpimarragarri batzuek, langileak berak egiten duen lanaren ezaugarriekin, lanpostuaren baldintzekin eta lanpostuak bere egoerarako ekar ditzakeen arriskuekin erlazioa ezarriz.

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.