2024-02-27
HomeZerbitzu PribatuakMerkataritzaGreba eguna Bizkaiko Sabeco-Symply supermerkatuetan ordutegi komertzialak zabaltzearen aurka

Greba eguna Bizkaiko Sabeco-Symply supermerkatuetan ordutegi komertzialak zabaltzearen aurka

Sabeco-Symply enpresako zuzendaritzak Eusko Autonomi Erkidegoan erregulatuta dauden 72 orduak gainditzen dituen ordutegi komertziala zabaltzeko erabakiaren eta komite ezberdinek zuzendaritzarekin hitzegiteko egindako ahaleginetan jasotako erantzunaren aurrean langileak greba eguna erabaki dute.

LAB, ELA, ESK, UGT eta CCOO sindikatuen irakurketa
ORDUTEGIEN LIBERALIZAZIOARI ETA ESKUBIDE URRAKETEI STOP!

«Sabeco-Simplyk Bizkaiko enpresa komiteei bere ordutegi komertziala zabaltzeko erabakia aurkeztu die, Eusko Autonomi Erkidegoan erregulatuta dauden 72 orduak gaindituz.

Ez hori bakarrik!!! Lan erreformaz baliatuko da langile gehienen ordutegiak aldatzeko, honek enpresako langile guztien lan baldintzak okerragotuko dituelarik.

Erabaki honekin asteko 90 orduetaruntzko bidea ireki nahi dute (orain eguneko ordu erdia da, baina badakigu hau soilik hasiera dela) eta, beharbada, igande eta jaiegunetako bidea ere. Egunean ordu erdi gehiagoz zabalik egoten saiatzen ari dira, etorkizunean 12ak arte zabalik egoteko edota igandetan.

Enpresa komite ezberdinetatik, enpresarekin hitzegiten saiatu gara. Baina haiek ez dute nahi izan. Beraz, mobilizazio ildoaren aukera soilik uzten gaituzte.

Gaur Sabecoko langileok deitutako lehen greba eguna burutu dugu. Zeharo arrakastatsuaz deskribatu dezakeguna, elkarretaratze honetan argi geratzen den eran, Sabeco-Simplyko zuzendaritzari gauzak berplanteatzera behartu beharko litzaiokena.

Baina enpresa ez negoziatzeko bere jarreran mantentzen bada eta gure eskubideak urratzen dituzten neurriak inposatzen jarraitzen badu, azaroaren 2an bigarrena burutuko dugu. Jokoan dagoena ez delako soilik ordu erdi bat, askoz gehiago da.

Bilbon, 2012ko urriaren 24an
LAB – ELA – ESK – UGT- CCOO
»

AZKEN ALBISTEAK | ÚLTIMAS NOTICIAS

Martxoaren 3ko ekintza bateratuak aurkeztu ditugu

Datorren igandean betetzen dira 48 urte martxoaren 3ko sarraskitik. Eta gaur, agerraldia egin dugu LAB, ELA, ESK eta STEILAS sindikatuok, Martxoak 3 elkartearekin batera, igandean egingo ditugun ekintzak aurkezteko. 12:00etan, ekitaldia egingo dugu Plazan, monolitoaren ondoran, eta 12:30ean, bertatik abiatuko da Gasteizko kaleak zeharkatuko dituen manifestazioa.

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.