Gaur, irailaren 4an, greba mugagabea abiatu dute Fosecoko Izurta eta Igorreko lantegietan, enpresa- batzordeak deituta (Talde Independienteko 2 kidek, ELAko 2k eta LABeko 1ek osatua). Uztailean, Versuvius talde multinazionalaren barruan dagoen Fosecok, EEE bat aurkeztu zuen, 93ko plantilla batetik 42 langile kaleratzeko, antolakuntza arrazoietan oinarrituz. Grebak erabateko jarraipena izan du (%100ekoa), bai Izurtzan (78 langile) zein Igorren (15).
Foseco gaur-egun lanez gainezka dago eta urtero diru irabazi nabarmenak izan ditu. Hala ere, Vesuviuseko zuzendaritzara iritsitako kudeatzaile berriak, bere “berregituratzaile” ospeari jarraituz, produkzioa Alemaniako plantara eramateko erabakia hartu du. Talde multinazional baten diru gose asegaitzak eta Eusko Jaurlaritzaren isiltasun konplizearen laguntzak, Euskal Herriko sare industriala hondoratuko duen beste operazio baten aurrean gaude. Berriz ere, 42 langile mehatxupean daude.
Atzo, enpresarekin egindako bigarren bilkura batean, kaleratze EREa 42tik 18 lanpostu mantentzearen aukera azaldu zuten, baina bermerik eman gabe.
LABek ez du inolako kaleratze traumatikorik onartuko, beraz, nahiz eta, aukera hau pausu bat izan, ez da inondik inora ere, uztailaren 5ean hastekoa zen eta gaur abiatu den greba bertan behera uzteko nahiko arrazoi.
Guzti honengatik, langile guztiak grebara deitzen ditugu, gure lanpostuak defendatzeko tresna bakarra da eta.