Gaur goizean Urola-Kostako eta Goierrialdeko LABeko delegatuak Azkoitiko IBARMIA Enpresaren aurrean elkarretaratu dira, ADEGIk berak Metalgintzako langileongan duen jarrera salatzeko.
LABek benetan gauzagarria den proposamena egin du, bai enpresetan onartua eta hobetua dena eta baita beste sektore batzuetan onartua izan dena ere. Zergatik metalgintzan ez?
ADEGIri min egiten dio hitzarmenak, eta sententziaren zain dagoela dio. Eztabaida juridikoa erabiltzen ari dira negoziazioari uko egiteko. Honen guztiaren atzean dagoena ordea, borondate falta ikaragarria da. Espainiar erreformaz baliatu nahi du metalgintzako langileen eskubideak desarautzeko. Galdera bat dugu buruan: ADEGIK NOR ORDEZKATZEN DU? Bada garaia langileen ahotsa entzun dezaten! Azken 2 urteetan ari garen bezalatsu, gure mobilizazioekin jarraituko dugu hitzarmena lortu arte.
