LABeko sail sindikalak bihar, hilak 20, TGBan 2014ko lan baldintzen akordio arautzailea onartuko denaren berri eman du. Akordio honek Langileen Batzordearen abala dauka, LAB, ErNE eta CCOO sail sindikalen baiezko botoekin.
1. Lanaldiak, lizentziak, baimenak, ultraaktibitatea, negoziazio esparruaren errespetua eta beste zenbait aldeei dagozkien murrizketak ez aplikatzeko 2012 eta 2013 urteetan onartu ziren neurriak mantentzen ditu.
2. 2013ko KPI (%0,6)aren konpentsazioa jasotzen du, langile publikoen erosahalmenaren berreskuratze prozesua hasten du, produktibitate gisako ordainsari lineal baten bitartez, eta Elkarkidetzako ordainketei ekiten dio berriro.
3. Konpromezu desberdinak jasotzen ditu: formakuntza plana, lanpostuen balorazioaren eta ordainsari eskalaren tresna berri bat eta barne mugikortasunaren arautegi bati buruzkoak. Eta sustapen eta LEP prozesuak aurten martxan jartzeko konpromezua ezartzen du.
Zerbitzuak pribatizatzeko helburuarekin eta lan baldintza publikoak okerrera eramanez, publikoa hutsaldu nahi den epealdi zail honetan, udal honetan, oztopoak badira ere, lan baldintzak hobetzea lortu dugu, eta baita zerbitzu publikoaren eredu desberdinaren alde egiteko apostua adostea ere.
Hau da LABek nahi duen bidea.
