2024-02-26
HomeIndustriaMetalgintzaGipuzkoako metalgintza sektoreko greba eguna guztiz arrakastatsua izaten ari da

Gipuzkoako metalgintza sektoreko greba eguna guztiz arrakastatsua izaten ari da

Goizean goizetik jasotzen ari garen datuen arabera, LABek gaur, maiatzak 24, Gipuzkoako metalgintza sektorean deitu duen greba eguna guztiz arrakastatsua izaten ari dela esan dezakegu, inolako zalantzarik gabe.

Gipuzkoako metalgintza sektorea gaur itxita dagoela esan dezakegu. Industria guneak eskaintzen dituzten irudiak adierazgarriak dira. Herrialdeko enpresen %85 baino gehiagok itxi du, Tolosaldea eta Kosta Urolako eskualdeak grebarekin bat gehien egin duten eskualdeak izanik. Enpresa handitan zein txikitan grebaren jarraipena orokorra da.

Arcelor Olaberria, CAF, Indar, GKN Zumaia, Guerra Hermanos, Juaristi, Biele, Zardoya Otis, Rodisa, RTS… bezalako enpresak erabat geldirik daude.

Krisialdiaren seigarren urtea izanik eta greba honen aurrean enpresetan milaka oztopoak eta presioak jaso ditugun arren, langileek emandako erantzuna bikaina izaten ari da, beraz. Sektorea argi mintzatu da. ADEGIk behingoz sektoreko langileen ahotsa entzun dezala espero dugu.

Azkenik, LABek langile guztiei gaurko antolatu dituen mobilizazioetan parte hartzeko deia egiten die.

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.

Mecanerreko trantsizio ekosozialerako plana aurkeztu dugu

Enpresa-batzordean gehiengoa dugun LAB eta ESKk enpresaren trantsizio-planaren jendaurreko aurkezpena egin dugu Urdulizko Kultur Etxean. Enpresaren itxiera saihesteko eta haren etorkizuna ziurtatzeko egindako txostena eta trantsizio ekosozialerako proposamenak ezagutarazi ditugu. Plana enpresa batzordeak egin du Garua kooperatibaren eskutik, eta Urdulizko Udalaren laguntza izan du.