2023-12-02
HomeZerbitzu PublikoakZerbitzu SoziokomunitarioaGipuzkoako hirugarren adinekoen egoitza eta eguneko zentruetako hitzarmenaren aurka abiatutako prozesuan Adegiren...

Gipuzkoako hirugarren adinekoen egoitza eta eguneko zentruetako hitzarmenaren aurka abiatutako prozesuan Adegiren jarrera salatu nahi du LABek

Gipuzkoako Foru Aldundiaren, zehazki Ander Rodriguez ahaldunaren kontra, eta LAB, ELA, CCOO, UGTn eta LARESen aurka ADEGIk aurkeztutako salaketaren haritik gaur, urtarrilak 7, Bilbon izan den epaiketa salatu nahi dugu. LABetik, beste behin, Gipuzkoako 3. adineko egoitza eta eguneko zentroetako langileen gatazkan Gipuzkoako Foru Aldundiaren jokabidea txalotzen dugu. Orain arte hartutako jarrera eta erabakiei gure sostengua ematen diegu.

Gipuzkoako Foru Aldundiak hartu zuen iniziatiba balio politiko handikoa da: Batetik, lehen aldiz horrelako instituzio batek onartu egiten duelako zerbitzu hauen izaera publikoa. Bestetik, adierazpenetatik haratago hauek burutu ahal izateko konpromiso ekonomikoak bereganatzen dituelako; eta azkenik, lan erreformaren ondorioak eragozteko planteamendua egiten duelako, negoziazio kolektiboaren euskal esparruaren defentsan instituzioek jokatu dezaketen paper aktiboaren urrats gisa.

ADEGIK jarrera ezin erasokorragoa eta harroa hartu du gatazka honetan: Gipuzkoako Foru Aldundiaren kontrako eta bere ahalduna den Ander Rodriguezen kontrako eta sindikatu guztion kontrako (LAB, ELA, CCOO eta UGT) salaketa jarri zuen eta gaur epaituak izan gara.

Epaiketa honetan ADEGIk bere jarrera mantendu du. Sindikatuen aldetik argi geratu da ADEGI mahai negoziatzailean negoziatzeko borondate eza izan dela arazo bakarra sektoreko hitzarmena ez negoziatzeko. Fiskalak ere adierazi du negoziaketetan ez dela negoziatzeko eskubidearen aurkako urraketarik eman.

LABek ADEGIri bere harrokeria eta bere diru gose asegabea alde batera uzteko, salaketak bertan behera uzteko eta egoitza eta eguneko zentroetako lan hitzarmena sinatzeko exijitzen dio.

Donostian, 2014ko urtarrilaren 7an
  

LAB sarean
{module[111]}
 

AZKEN ALBISTEAK | ĂšLTIMAS NOTICIAS

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.

Zaintzaren iraultza martxan da

“Zorionak Euskal Herria!” hitz horiexekin hasi dute mugimendu feministako ordezkariek hainbat eta hainbat hiri eta herritan arratsaldean egin diren mobilizazioen osteko manifestua. Goizean goizetik jo eta sua aritu dira milaka grebalari lurralde osoan barrena, zaintza sistema publiko komunitarioa aldarri eta kaleak astintzen. Oraindik amaitu ez den prozesu baten mugarri historikoa izan da gaurkoa.