Gipuzkoako Esku Hartze Sozialeko langileak borrokan daude. Elkarretaratzea egin dugu gaur, Donostian, negoziazio mahaiaren atarian. Gipuzkoako hitzarmenaren defentsan mobilizatu gara, LAB, ELA, CCOO eta Jendartelanak deituta.
Gaur, otsailak 14, Gipuzkoako III. Esku Hartze Sozialeko hitzarmenaren mahai negozatzailea bildu da. Esan beharra dago Hedatzen patronalak mahai gainean aurkeztu duen proposamena alderdi ekonomikoak soilik jasotzen dituela.
LAB sindikatutik ez nahikotzat jotzen dugu, proposamen honek ez baitu bermatzen KPIko igoerak. Datozen egunetan gure ordezkaritzarekin egoera hau hausnartuko dugu datorren bilerarako, hau da otsailak 26rako, gure proposamena luzatzeko helburuarekin.