2024-02-28
HomeUncategorizedGasteizko Parlamentuak langile publikoen lanaldia igotzen zuen dekretua atzera botatzea onartu du

Gasteizko Parlamentuak langile publikoen lanaldia igotzen zuen dekretua atzera botatzea onartu du

Jada 10 urte igaro dira langileen borrokari esker arlo publikoan 35 orduen jarduna adostea lortu zela, eta akordio hau Gasteizko Parlamentuak legez babestu zuen. Garai horretan Gutun Sozialak lortutako babes sozial eta instituzionalaren emaitza izan zen. Gauzak horrela, EAJren gobernuak bere alde bakarrez akordioa eta legea bera dekretu bat inposatuz zakarrontzira botatzea erabaki du duela aste batzuk.

Azaleko eztabaida teknikoen gainetik lanaldia igotzen zuen neurri honek behin behineko lanpostuen suntsiketa suposatzen du.

Gauzak honela, Mahai Orokorraren menpe gauden langileok borroka ezberdinak abiatu ditugu, kalean, lan zentroetan eta instituzioetan. Hain zuzen ere, LAB sindikatutik Gasteizko Parlamentuko talde parlamentarioekin biltzeko asmoa iragarri genuen, eta halaxe jardun gara, EHBILDU, PSE, UPyD eta EAJk gaia gurekin lantzea onartuz. Hauei, gizarte eta langile publikoen artean 35 orduko lan astearen alde dagoen adostasun maila, instituzioetan ere isla izan behar duela esan genien, horretarako hauetan beharrezkoak ziren urratsak emateko eskatuz. Honi begirako proposamen zehatzik planteatu ez bagenien ere, begi onez ikusten dugu gaurkoan hiru herrialdeetako parlamentuak aurrera ateratako ez-legezko proposamena; horren ondorio praktikoak oraindik ikusteke badaude ere, politikoki eskaera horren alde dagoen gehiengoa islatu eta EAJk aldebakarrez, langileen ordezkarien babesik gabe, ezarri duen neurriaren izaera inposatzailea agerian utzi du.

Beraz, Parlamentuak hartutako erabakia txalotu eta eskertu egiten du LABek, bai eta gatazka aktibatzeko ezinbesteko mobilizazioetan aritu garen langile guztion jokabidea ere.

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.