2024-09-20
HomeZerbitzu PribatuakGarbiketaGasteizko Bide Garbiketa kontratako egoera zuzentzeko lan egingo dugu

Gasteizko Bide Garbiketa kontratako egoera zuzentzeko lan egingo dugu

Gasteizko Bide Garbiketak egiteko azpikontratu den enpresan —FCC-GMSM enpresak kudeatua—, 2015. urteko urriaz geroztik indarrean dagoen Hitzarmen Kolektiboa behin eta berriz urratzen da. Enpresa batzordeak egoera hau salatu du Lan Ikuskaritzan zein Gasteizko Lan epaitegian, baina enpresak beste alde batera begiratu du. Gatazkaren unerik larriena zuzendaritzak 8 langile kaleratu zituenean izan zen. Zuzendaritzak egoera zuzentzeko egin proposamena gertutik jarraituko du LABek.

Ikusirik azken urte eta erdian, Hitzarmen Kolektiboa etengabe urratzen zutela eta honek langileen lan baldintzak okerrera egitea ekarri duela; galdutako bide judizialetik berreskuratzen saiatu gara. Baina enpresa esleipendunak entzungor egin die Euskal Autonomia Erkidegoko Justizia Auzitegi Nagusiaren epai irmo batzuei, uko egin dio haiek gauzatzeari.

Gobernu taldearen Ingurumen Kabineteak eta enpresa zuzendaritzak egin zituzten bileretan zehar agerian geratu zen zuzendaritzaren asmo bakarra, haren ekonomia-oreka eza kudeatzeko, askatasun osoz arintzea dela. Hau ikusirik langileek martxoak 6an greba egiteko asmoa adierazi zuten, baina otsailaren 28an egin zuten azken bileran, enpresako zuzendaritzak egindako proposameneean egin 8 langileak berriz hartuko zirela zehazten zen eta, zuzendaritzak argi eta garbi agindu zuen, gaur arte, Hitzarmen Kolektiboan eman diren ez-betetze guztiak desblokeatuko direla.

LABen sail sindikalak Aldi-baterako Enpresa-elkarteak egin duen proposamen hori gogo onez onartzen duen arren oso adi zainduko du hurrengo bi hilabeteetako bilakaera; egoera bideratuko ez balitz adierazi diren ildoetatik, ez dugu zalantzarik izango alerta jotzeko, eta horrela, kontrata honetako langileei dagozkien eskubideen aldeko borrokari eutsi diezaiogun.
 

 

 

AZKEN ALBISTEAK | ÚLTIMAS NOTICIAS

Jaso Tower Craneseko langileek greban jarraitzen dute

Zuzendaritzaren borondate falta dela eta, greba eta mobilizazioen bideari jarraitu beste irtenbiderik gabe daude langileak. Gaurkoa bosgarren greba eguna izan dute, eta manifestazioa egin dute Idiazabalen barrena. Datorren asteartean (hilak 24) berrekingo diete lanuzteei, ostiralera arteko greba dagoelarik aurreikusita.

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.