2024-06-17
HomeEkintza SozialaGarbiñe Aranburu: "Hazkunde ekonomikoa ez da langileongana iristen"

Garbiñe Aranburu: “Hazkunde ekonomikoa ez da langileongana iristen”

LABeko idazkari nagusi Garbiñe Aranburuk eta Ekintza Sozialeko idazkari Bea Martxuetak agerraldi bat egin dute gaur Donostian, EAEko aurrekontu proiektuari buruz balorazioa egiteko. Aurrekontu hauek ez dietela gehiengo sozialaren beharrei erantzuten azpimarratu dute: “Ez dira aurrekontu sozialak”. Era berean, EAJri esan diote ezin dituela aurrekontuak onartu PSE edota PPren babesarekin, Kataluniako egoera zein den ikusita.

"Aurrekontuak hazkunde ekonomikoaz hitz egiten diguten testuinguruan aurkezten dira, baina hazkunde ekonomikoa ez da langileongana iristen". Garbiñe Aranbururen hitzak dira hauek, gaurko agerraldian egindakoak.

Hain zuzen ere, Aranburuk eta Martxuetak adierazitakoaren arabera, zorraren ordainketak lehentasuna izaten jarraitzen du, eta honek bestelako politika publikoak egiteko aukerak mugatzen ditu.

Diru bilketaren afera ere ez da konpontzen: “EAJ eta PSEk akordioa lortu dute zerga politikan aldaketa batzuk sartzeko arau foraletan. Hau ez da behar den zerga erreforma. Aukera paregabea galdu da sakoneko zerga erreforma bat egiteko eta berriro ere eragile sindikal eta sozialen inolako partehartzerik gabe egin da. Instituzioek zerga politika progresiboagoa egiteko eskumena badute, diru gehiago bildu eta politika publikoetara bideratzeko. Ez da egiten, honek patronalarekin aurrez aurre jartzea suposatzen duelako”.

Soldatak urtez urte BPGn pisua galduz doaz, enpresa errenten mesedetan: “Patronalarentzat jokaldia biribila da: lan erreforma eskutan soldatak murrizten ari dira eta bestetik etengabe presionatzen jarraitzen duten zergak murrizteko, bereziki sozietateen gaineko zerga murriztu nahi dute, argi esaten ez badute ere, beraien azken helburua desagertzea delarik”.

Testuinguru berezian
Aurrekontu proiektu hau testuinguru politiko oso berezian datorrela azpimarratu dugu. EAJ gustuko izan edo ez, ezin dela ohiko negoziazio moduan planteatu adierazi dugu.

Aranbururen esanetan, “EAJk baita gobernukide duen PSEek ere esan izan dute, Kataluniako egoerak ezin duela aurrekontuen negoziazioa kutsatu. Katalunian gertatzen ari dena oso larria da, eta ez da katalanen arazo hutsa, zuzen zuzenean eragiten digu”.

Horrenbestez, LABen ustez, EAJk ezin du Madrilen PPren gobernua sustengatu eta ezin ditu 2018ko aurrekontuak babestu. Era berean, EAJk katalanen eta euskaldunon erabakitzeko eskubidea ukatzen duten alderdien sostengurik bilatu ezin du bilatu. Ezin ditu aurrekontuak onartu PSE edota PPren babesarekin”.

Aranbururen hitzetan, EAJk benetan erabakitzeko eskubidearen aldekoa bada, PSErekin duen gobernu akordioa apurtu beharko luke: “Ez dirudi hori denik bere asmoa, badirudi bateragarri egiten zaiola demokraziaren kontrako neurriak babesten dituen eta erabakitzeko eskubidea ukatzen dutenekin akordioak egitea”.

 

 

 

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.