2024-03-19
HomeNazioartea IdazkaritzaElkartasunaGarbiñe Aranburu : “Eragile ezberdinen artean adostasunak eraiki behar ditugu erabakitzeko eskubidearen...

Garbiñe Aranburu : “Eragile ezberdinen artean adostasunak eraiki behar ditugu erabakitzeko eskubidearen alde”

Katalunian gaurko deituta zegoen greba eta mobilizazioei babesa emateko eta erreferendum egunean pairatutako indarkeria salatzeko elkarretaratzeak egin ditugu Hego Euskal Herriko hirburuean eta zenbait enpresa eta herrietan. Garbiñe Aranburu LABeko idazkari nagusiaren esanetan “igandean gertatu zena oso larria eta gogorra izan zen, estatu kolpe bat eman zitzaion demokraziari”.

Aranbururen aburuz “igandean gertatu zenaren atzean 78ko erregimena dago, 78ko erregimenak inposatzen duen lurralde eredua eta inposatzen duen erebakitzeko eskubidearen ukazioa”. Aste hauetako gertakariek agerian utzi dute PPren jarrera antidemokratikoa, baita PSOE eta Cs en eskutik ere ezinezko dela erabakitzeko eskubidearen aldeko bide adosturik marraztea.

Euskal Herrian ere bada momentua subirautza prozesu bat martxan jartzeko, bada momentua guk ere urrats berriak emateko. Norabide honetan, “herri honetako eragile ezberdinen artean adostasunak eraiki beharko genituzke erabakitzeko eskubidearen mesedetan, eskubide demokratiko horren mesedetan”.

Amaitzeko gertatu dena gertatu ostean oraindik ere aldebikotasunaren defentsa egiten jarraitzeak ez du zentzurik, argi geratu da Estatuarekin ezin dela honelako biderik jorratu. Beraz “gure apustua da erabakitzeko eskubidea benetan defendatzen dugunon artean konfrontazio demokratikoaren alde egin eta hemen ere prozesu bat martxan jartzea” zehaztu du LABeko Idazkari Nagusiak

 

 

 

AZKEN ALBISTEAK | ÚLTIMAS NOTICIAS

Azkoitiko lan-zentroko ABEEEa bertan behera uzteko eskatu diogu Sidenorreko zuzendaritzari

Pasa den martxoaren 8an jakinarazi zigun Sidenor enpresako zuzendaritzak Azkoitiko eta Reinosako lan-zentroetan produkzio eta organizazio arrazoiengatiko Aldi Baterako Enplegu Erregulazio Espediente (ABEEE) bat martxan jartzeko asmoa zuela. Martxoaren 14an izan genuen negoziazio batzordea sortzeko eta dokumentazioa jasotzeko bilera.
00:02:19

Ezkerraldeko eta Meatzaldeko langileentzat lan eta bizi baldintza duinak aldarrikatu ditu LABek

Gaur, LABek deituta, ehunka lagunek Sestaoko kaleak hartuko dituzte, Ezkerraldeko eta Meatzaldeko langileentzat etorkizun duina aldarrikatzeko. Langileon lan eta bizi baldintzak borrokatzeko. Izan ere, bada denbora bat EAJk eta PSOEk Ezkerraldea zein Meatzaldea desindustrializatzeko estrategia martxan jarri zutela: ehun industriala suntsitu eta, trukean, zerbitzuen sektorea ezarri, logistikaren eta biltegiratzearen mesedetan.

Aliantzen, aktibazioaren eta borrokaren garaia da Bizkaiko grafikagintza sektorean

Bizkaiko grafikagintzako hitzarmenaren negoziazio mahaia lehen aldiz bildu zenetik hamar hilabete igaro dira. Maiatzaren 23tik hona 10 bilera egin ditugu, azkena atzo, martxoaren 14an, eta ezin dugu esan akordioa orduan baino gertuago dagoenik.