2024-03-29
HomeEkintza PolitikoaGarbiñe Aranburu: "Bizitza berreskuratzen ari garenean, mobilizazio ziklo bati ekitea garrantzitsua da...

Garbiñe Aranburu: “Bizitza berreskuratzen ari garenean, mobilizazio ziklo bati ekitea garrantzitsua da Madrilen eta hemengo erakundeetan eragiteko”

LABeko idazkari nagusia elkarrizketatu dute Euskadi Irratiko “Faktoria” programan, pandemiarekin lotutako neurri murriztaile gehienak bertan behera geratu diren egunean egindako saio berezian. Hala, Garbiñe Aranburuk nabarmendu du, pandemiaren fase berri honetan, erronka handiak ditugula; Greba Orokorra, kasu. “Pandemiaren beste fasean sartu garen honetan, bizitza berreskuratzen ari garenean, mobilizazio ziklo bati ekitea garrantzitsua da Madrilen eta hemengo erakundeetan eragiteko”, adierazi du.

Hain zuzen ere, azaldu du mobilizazio ziklo berri hori ezinbestekoa dela irekita dauden borrokak hauspotzeko, etorkizunerako baldintza hobeak sortzeko eta instituzioei mezu argi bat luzatzeko. Azken batean, mobilizaziorako unea da, “Madrilen gertatzen denaren zain egon gabe”.

Aktualitateko beste gai batzuk ere jorratu dituzte; Tubacex-eko gatazka, esaterako. Borroka eredugarria izan dela berretsi du, eta bertako langileak Euskal Herriko mugimenduaren historiara pasa direla esan du. Patronalaren asmoak zeintzuk diren agerian  geratu dela nabarmendu du; hots, soldatak eta langileen lan eskubideak murriztea. Bide horretan, enpresak Jaurlaritzaren babes osoa izan duela deitoratu du, eta borrokaren balioa azpimarratu du. “Harro gaude, baina adi ere bagaude, enpresak langileen kontrako neurriak berriro hartuko balitu, berriro erantzuteko”, ohartarazi du.

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.