2024-02-27
HomeOharrakZerbitzu PublikoakGarbiketako langileak Nafarroako Gobernuaren diru laguntzen murrizketen aurrean

Garbiketako langileak Nafarroako Gobernuaren diru laguntzen murrizketen aurrean

Nafarroako garbiketa langileok, Parlamentuko eta Iruñeko Udaleko hurrengo diru laguntzetan aurreikusten diren murrizketen aurrean, gure desadostasuna erakutsi nahi dugu, murrizketa hauek, zerbitzuaren kalitatean, lan postuetan eta lan baldintzetan eragina izango dutela ziur gaudelarik.

Inork ez du gure zerbitzuaren beharra zalantzan jartzen, baina gure jarduera, emakumeek egina dena batik bat, ikusezina izaten jarraitzen du askorentzat. Gaur egun, kalitatea, azkartasuna eta eraginkortasuna eskatzen zaizkigu, kontuan hartu gabe, gure lan baldintzen okertzearekin ezinezkoa zaigula horrelako zerbitzu bat eskeini ahal izatea. Azken urteetan bizi izan ditugun murrizketek, eragin handia izan dute egunerokoan, lehen 8 ordutan egiten genuen lana, epe laburrago batean egin dezagun eskatzen digute orain, kexarik onartu gabe gainera, garaiak diren bezalakoak izanda, lana izate hutsa pozgarria dela argudiatzen digutelarik. Garbiketa gehiago eta hobeagoa, langileria eta lan orduak murrizten diren bitartean? Posiblea al da horrelako emaitzak lortzea, gure kontura, langileon esfortzu eta osasunaren kontura egiten ez bada? Esan diezagutela nola!

Gure aburuz jasaten ari ginen egoera hau gehiegizkoa zen arren, badirudi oraindik gehiago okertzeko aukera ikusten dutela Barcinak eta bereek. Hurrengo urteko diru laguntzetan, %20ko murrizketa aurreikusten da Iruñeko Udalean, eta %40koa Nafarroako Parlamentuan. Murrizketa hauek, lan postu gehiagoren desagerpena ekarriko dituzte, gure lan baldintzak oraindik gehiago okertuko direlarik. Murrizketa hauek gure zerbitzuaren beharra kolokan jartzen dute, ezinezkoa baita, eskeintzen dizkioten zenbakiekin, behar bezalako zerbitzua eskeini ahal izatea.

Garbiketa arloak, beste askok bezala, entzun behar izan dugu jasaten ari garen egoera hau saiestezina dela, eta guztien artean aurre egin behar diogula. Ez gaitzatela gezurtu! Nafarroako Gobernuak, oso gustoko du kontu egokitzapen eta eraginkortasunaren inguruan aritzea, baina honen atzean, alderdi interes ezberdinak daude izkuturik. Baliabideen banaketa ulertzeko era posible asko daude, eta beraiena, Nafarroako gizartearen interesetatik oso urrun geratzen dela agerian da.

Herstura ekonomikoaz aritzen dira baina erreforma fiskalarekin zer ikusia izan dezakeen edozein eztabaida saiestu egiten dute, ixilpean eta orain artean bezala jarraitu nahi dutelako egoera ekonomiko honen aurrean hartu duten neurri bakarrarekin: langileriaren poltsikoak eta lan baldintzak ukitzen jarraitu nahi dute. Honek, beren eredu politiko eta ekonomikoaren kudeaketaren justizia eza agerian uzten du behin gehiago.

Kontu egokitzapenak aipatzen dituzte, baina izatez publikoa den diruaren banaketari ez diote aipamenik egiten. Alde batetik, Los Arcoseko zirkuitoa eta Abiadura Handiko Trenaren aurrean baldintzak jartzearen ezina erakusten dute, eta bestetik, ezinbestekoa zaigun garbiketa bezalako arloetan etengabeko murrizketak ezartzen dizkigute, gure oinarrizko eskubideen aurka joz.

Egoera honen aurrean, mobilizazioa ezinbestekoa zaigu, PP, UPN eta PSN bezalako alderdien argudioak sinesgarriak ez zaizkigula argi adierazteko garaia da. Garbiketan lan egiten dugun langileok, gure desadostasuna erakutsi nahi dugu, ez ditzatela beren interesak gure prekarietatearen, lan kargaren, aparteko orduen eta lan egonkortasun ezaren kontura manten! Beraiek konpon dezatela beren eraginkortasun eta justizi eza!

AZKEN ALBISTEAK | ĂšLTIMAS NOTICIAS

Martxoaren 3ko ekintza bateratuak aurkeztu ditugu

Datorren igandean betetzen dira 48 urte martxoaren 3ko sarraskitik. Eta gaur, agerraldia egin dugu LAB, ELA, ESK eta STEILAS sindikatuok, Martxoak 3 elkartearekin batera, igandean egingo ditugun ekintzak aurkezteko. 12:00etan, ekitaldia egingo dugu Plazan, monolitoaren ondoran, eta 12:30ean, bertatik abiatuko da Gasteizko kaleak zeharkatuko dituen manifestazioa.

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.