2024-02-28
HomeUncategorizedFuntzio publikoan eta zerbitzu publikoetan murrizketak egitea ez da solidarioa

Funtzio publikoan eta zerbitzu publikoetan murrizketak egitea ez da solidarioa

EAJk Gasteizko parlamentuan duen bozeramaileak murrizketa berriak ezarriko dituela jakinarazi du. Bere hitzetan, funtzio publikoan murrizketak egitea gainontzeko langileekiko elkartasun adieraztea da. LABek Egibar jaunak ulertzen duen elkartasuna soilik kapitalarekin egiten dena dela salatzen du.

LAB – Zerbitzu Publikoen Federazioa

EGIBARRI ERANTZUNA: “FUNTZIO PUBLIKOAN ETA ZERBITZU PUBLIKOETAN MURRIZKETAK EGITEA EZ DA SOLIDARIOA”

«EAJk Gasteizko parlamentuan duen bozeramaileak murrizketa berriak ezarriko dituztenaren jakinaren gainean jarri gintuen.

Funtzio publikoan murrizketak egin behar zirela esan zuen, gainontzeko langileekiko elkartasun adierazpen bezala; LAB sindikatuak zera salatu nahi du, Egibar jaunak elkartasuna soilik kapitalarekin egiten dena dela ulertzen duela, funtzio publikoan murrizketak egitea zerbitzu publiko gehiago pribatizatzearen aurretik egiten dena dela, horrela kapitalari negozio gehiago emanez. Horixe da Egibar jaunaren elkartasuna, eta horiexek dira bere asmoak.

Langile klasearekin benetan kezkatuta egotekotan hain zuzen ere kontrakoa egingo luke: zerbitzu publikoetan inbertitu enplegu publikoa sortuz, horrek eremu pribatuan enplegua sortzera eramango luke, eta pertsona guztien bizi baldintzak hobetuko ziren.

Bestalde, funtzio publikoan murrizketak egitea ez dela kontu berria, eta zerbitzu publikoetako langileek dagoeneko murrizketak pairatu dituztela, dagoeneko kaleratzeak eman dira enplegu publikoa suntsituz, eta gaurdaino jendartea gehiago hondoratzeko baino ez duela balio izan. EAJk hauteskunde kanpainan bere lehentasuna enplegua zela esaten zigun. Defendatzeko modu bitxia benetan, nola eta enplegu publikoa erasotuz! Hauteskundeetako hitzak ez du bi egun ere iraun.

Horrekin batera aurrerantzean Gasteizko Gobernua kudeatuko dutenen ohartarazpenek sortzen diguten kezka adierazi nahi dugu. Izan ere, funtzio publikoan egingo dituzten murrizketen mehatxuarekin batera eremu guztietan legeari men egingo diotela jakinarazten digute, eta horrek suposatzen duena da justizian murrizketak, pentsioetan murrizketak, hezkuntzan murrizketak, osasungintzan murrizketak…

Egibarrek dio hori guztia kontsentsutik eta akordiotik abiatuta egiteko asmoa duela. Argi eduki LABekin ez duela kontatuko, LAB ez da horrekin bat etorriko, LABek ez du horretan lagunduko, are gehiago aurrean edukiko gaitu, protesta eta mobilizazio eskaintza zabal eta bateratzaile batekin.

Euskal Herria, 2012ko azaroaren 30ean»

 

AZKEN ALBISTEAK | ÚLTIMAS NOTICIAS

Eraso judizialen aurrean, euskaraz lan egin eta bizitzeko eskubidearen aldeko mobilizazioetan parte hartzera dei egiten dugu

Botere judizialak euskararen aurka egiten dituen erasoek ez dute etenik. Azken egunotan, Bizkaiko Foru Aldundiaren enplegu publikorako hautaketa-prozeduren aurkako bi epairen berri izan dugu. Deialdi horiei lotutako hizkuntza-eskakizunen betekizuna da zalantzan jartzen dena. Diskriminatzailetzat jotzen da euskara eskatzea, enplegu publikoak baldintza berdinetan eskuratzeko oinarrizko eskubidea urratzen duela argudiatuta. Sententzia zentzugabekeria juridiko izugarria da, inolako oinarri juridikorik gabe euskararen normalizazioaren aurka egitea du helburu bakarra.

Amazonen ereduak dakarrena salatu dugu BECen, greba egunen bezperan

Paketatze, banaketa eta garraio ereduak dituzte hizpide gaur eta bihar bitartean BECen, Barakaldon. Robotizazio, digitalizazio eta automatizazioak sortzen duen lan-eredua definitzen ari dira eta badugu eredu horretan adierazlea den ezaguna: Amazon multinazionala. Lan eredu berriak indarrez inposatu eta edozein hobekuntza negoziatzera uko egiten dion enpresa.

Osakidetzako zuzendaritzak ez du bermatzen EAGak irekita izatea oinarrizko plantillarekin

Atzo sindikatuetako ordezkariak, langileak eta herritarrak bildu ginen, EAGetan bizi dugun egoera salatzeko.