2024-07-25
HomeZerbitzu PublikoakGizarte AsistentziaForu Egoitzetako langileek mendetasun egoeran dauden pertsonei ematen zaien arretan dagoen gabezia...

Foru Egoitzetako langileek mendetasun egoeran dauden pertsonei ematen zaien arretan dagoen gabezia salatu dute

LAB, ELA, UGT eta CCOO sindikatuek deituta, foru egoitzetako langileek kontzentrazioa egin zuten Elorrion Zumelegi eta Elorrio Laguntza Zentroetan mendetasun egoeran dauden pertsonek, adinekoak eta ezgaitasunak dituzten pertsonak, behar duten laguntza ez dutela jasotzen salatzeko.
Aldundian eta GUFEn (Gizarte Urgazpenerako Foru Erakundea) ordezkaritza duten sindikatuak aspalditik salatzen ari dira gobernu foralak langileen ordezkapenetan egindako murrizketak kalte handia eragiten ari direla egoitzetako erabiltzaileek jasotzen duten zerbitzuan, langile faltagatik: pertsonen higienea, jatorduetarako laguntza, aisialdiko jarduerak… Era berean, sindikatuek salatu dute gizarte zerbitzuen arloko murrizketek langileen zama handitzen dutela eta ordezkapenak egiten zituzten pertsonen enplegu publikoa suntsitzen dutela. Horrekin batera, Jose Luis Bilbaoren agindupeko Aldundia zerbitzu publikoetan sustatzen ari den pribatizazioaz ohartarazi dute, pribatizazio horrek ondorio hauek baititu: enpleguaren prekarietatea, zerbitzuaren kalitatea murriztea eta mendetasun egoeren kontura negozioa egiten eta aberasten ari diren enpresen eta sozietateen sare bat.

Sindikatuek eskatuta, BILDU eta PSE batzarkide taldeek (PP-k eta EAJ-k ezez ezan dute) arauz besteko proposamen bat aurkeztu dute, Bizkaiko Batzar Nagusietan eztabaidatzeko. Proposamen horretan zerbitzuak eta enplegu publikoa mantentzeko eskatzen dute, eta, erabiltzaileen ongizatea kaltetuta gertatu ahal denean, gizarte zerbitzuetako plantillan ordezkapenak bermatu beharra nabarmendu dute bereziki.

Sindikatuek adierazi dute mobilizatzen jarraituko dutela, eta salatu dute Ahaldun Nagusiak eta Lehendakaritzako diputatuak ez dutela inolako erantzunik eman gobernu foralaren inposizioak (soldatak izoztea, ordezkapenik ez egitea eta lan-baldintzak okerrera egitea) eteteko sindikatuek egindako deiari.

AZKEN ALBISTEAK | ĂšLTIMAS NOTICIAS

Eusko Jaurlaritzak onartutako langile publikoentzako soldataren igoerak erosahalmenaren galera eta Madrilekiko menpekotasuna dakar, beste behin ere

LABek Eusko Jaurlaritzaren Gobernu Kontseiluak langile publikoentzat (*) onartu berri duen %2ko soldata igoera salatzen du. Ikasturte honetan hiru greba eta hainbat mobilizazio egin ditugu soldata eta enplegua hemen erabakitzeko, bertan negoziatu eta adosteko. Hauek dira Jaurlaritzak agindutako azken neurriaren aurka azaltzen ditugun argudioak:

Prekaritateak dakarren lan segurtasun ezak hil egiten du

Gipuzkoako Kale Garbiketa sektoreko alderdi sindikal guztiak, ELA sindikatua izan ezik, pasa den uztailarean 10ean, Iruñean, gaueko txandan bere lana egiten zuen bitartean, lan istripuan hildako FCC-ko (Iruñerriko Mankomunitateko azpikontrata) langilearen familia, lagun eta lankideei elkartasuna eta babesa helarazteko, gaur uztailak 24, elkarretaratzea egin dugu Gipuzkoako FCC-ko egoitza nagusiaren parean, Hernaniko Zubiondo poligonoan.
00:20:31

Osasun sistema publikoa indartzeko neurriak aurkeztu ditugu

Langileen gehiengorik gabe Osasun Itunik ez dago.