2024-06-25
HomeZerbitzu PribatuakGarbiketaEz dago negoziazio errealik, hilabeteko grebaren ostean

Ez dago negoziazio errealik, hilabeteko grebaren ostean

Eusko Jaurlaritzako Justizia eta Barne Sailek ez dute, irailaren 21az geroztik, Gipuzkoako Komisaldegi eta eraikin judizialetako garbiketa zerbitzuan greban dauden langileekin batzeko asmorik agertu, eta Garbialdi enpresak KPIaren azpiko soldata igoera proposatzen du. Sindikatuok agerraldia egin dugu gaur, lan gatazkaren xehetasunen berri emateko.

LAB, ELA, UGT eta ESK sindikatuok Gipuzkoako komisaldegi eta eraikin judizialetako garbiketan greba mugagabeari ekin genion urriaren 17an, irailaren 19an hasitako grebari jarraipena emateko.

Eusko Jaurlaritzako Justizia eta Barne Sailek ez dute irailaren 21az geroztik greban dauden langileekin batzeko asmorik agertu eta Garbialdi enpresak KPIaren azpiko soldata igoera proposatzen du.

ELA, LAB, UGT eta ESK sindikatuok Gipuzkoako komisaldegi eta eraikin judizialetako garbiketan greba mugagabeari ekingo diogu. zehazki urriaren 17an emango diogu hasiera eta irailaren 19an ekindako grebaren jarraipen izango da.

Negoziaketen hasieratik alde sozialak, kale garbiketarekiko dagoen soldata arrakalaren desagerpenean (sektore maskulinizatua) zentratu dugu gure aldarrikapena. Hiru sektoreak (komisaldegiak, epaitegiak eta kale garbiketa) garbiketan aritzen dira eta guztietan administrazio publikoak azpikontratatutako enpresek egiten dute lan hau. Baina sektore bakoitzean dauden lan baldintzak desberdinak dira, desberdintasun nabarienak sektore maskulino eta femeninoen artean ematen direlarik. Funts publikoekin ordaintzen den genero baztertzea. Zehazki, datuak honakoak dira:

SOLDATA ARRAKALA: komisaldegiak: %13, justizia eraikinak eta adingabeen zentroak: %7.
Komisaldegien hitzarmena 2009ko abenduaren 31an amaitu zen eta eraikin judizial zein adingabeen zentroetakoa 2017ko abenduaren 31an

Komisaldegietan, soldata arrakala desagerrarazteko duen hitzarmena eskatzen dugu, honako igoerekin:

2016:3%
2017:2,9%
2018:4,5%
2019:2,5%

eta justizia eraikin eta adingabeen zentroetarako:
2018:4,5%
2019:2,5%

Apirilaren 26tik 4 bilera izan ditugu eta hauetan negoziazioak ez dua aurrera egin, azken bilera izan delarik proposamen ekonomiko bat jaso duen bakarra.

Uztailaren 10etik urriaren 17rarte ez dugu inolako bilerarik izan, eta azken honetan Garbialdi enpresak 2018 urteko soldata izozte proposamen bat jarri du mahai gainean, 2019 urterako %1 igoera eta 2020rako %1 igoera. Dena bi hitzarmenetarako. Beste modu batera esanda, eros ahalmena galdarazten duen proposamena da hau. Lan legediak adierazten du borondate honez negoziatu behar dela, eta Garbialdi enpresaren jarrerak kontrakoa adierazten du.

Proposamen hau guztiz onartezina da langileontzat, are gehiago Komisaldegietako langileek 2008az geroztik soldata igoerarik izan ez dutela kontuan hartzen badugu, eta eraikin judizialetan duten soldata arrakala %7koa dela.

Sindikatuok negoziazioan proposatutako gainontzeko aldarrikapenei dagokionez, Garbialdik ez du bere posizioa argitu, ez eta baloratzera sartu ere. Gure ustez, negoziaketa mugagabe luzatzeko modua da hau, jakinda, komisaldegietako garbiketa zerbitzuaren adjudikaziorako pliegoak ateratzear daudela. Hala, pliego hauen publikazioa baina lehen akordiorik lortuko ez balitz, soldata igoerak berriz ere urte luzez blokeatuta geratuko lirateke.

Bestalde, ezinbestean azpimarratzekoa da, Eusko Jaurlaritzako Justizia eta Barne Sailak ez dute sindikatuokin batu nahi izan gure aldarrikapenak ezagutu eta gatazka honetan duten erantzukizunaren zatia hartzeko. Are gehiago, gaurko egunez, aipatu sail hauen kezka bakarra grebaren ondoriozko zerbitzu minimoak handitzea besterik ez da izan, eta zentroetako garbiketa egiten zela bermatzea, modu ilegalean greban dauden langileak ordezkatzera helduz.

Zoritxarrez, aipatu departamendu hauen presioak bere efektua izan du eta zerbitzu minimoen azken agindua greba eskubidearen aurkako eraso zuzen bat da, izan ere, Oiartzungo komisaldegian komun pribatuen garbiketa astero egin behar dela ezarri baitute. Zerbitzu minimoak ezarri behar direnean, orduan bai, agerian geratzen da garbiketaren beharra, baina ez zaio aitortza bera egiten kale garbiketako kideen azpitiko soldatak ezartzen zaizkienean. Bi sektore hauetako lana (kale eta eraikinen garbiketa) bera dela agerian geratzen da, greban zehar, sarrera bahiz irteeretarako kale garbiketako langileek greban dauden emakumeen lana ordezkatzera deitu dituztenean.

Beti bezala, jakina, emakumeak dira prekarietate egoera hau bizi dutenak. Bi hitzarmenen artean 60 bat langile inguru dira eta hauetatik %95 emakumeak. Emakume hauetako askok kontratu partzialak dituzte, lanaldi oso txikiak eta abar. Horregatik, eta agerraldi hau baliatuz, Garbialdi zein Eusko Jaurlaritzar, berehala, diskriminazio egoera honi aurre egiteko neurriak hartzea exijitu nahi diegu.

Genero berdintasuna ekintza konkretu eta errealen bidez gauzatu behar da, eta ez diskurtso politetan gelditu. Horregatik guztiagatik, gizon eta emakumeen arteko soldata arrakala Eusko Jaurlaritzaren agendan lehentasuna erabatekoa izan behar du.

 

 

 

AZKEN ALBISTEAK | ĂšLTIMAS NOTICIAS

Ilundain gizarteratze eta laneratze enpresarekin adostu dugu bigarren hitzarmenak erosteko ahalmena bermatzea eta atxikimendu sozioafektiboa barne hartzea

Hilabete batzuetako negoziazioen ondoren, LAB sindikatuan —ordezkaritza sindikal osoa baitugu— akordioa lortu dugu Nafarroako Ilundain gizarteratze eta laneratze enpresarekin, bere bigarren hitzarmena sinatzeko. Hitzarmen horrek nabarmen hobetzen du aurrekoa, soldata taula osoan KPIaren igoera ziurtatzen du, eta, lehenbiziko aldiz, aukera ematen du langile bakoitzak ordaindutako baimenak lor ditzan ahaidetasunik gabeko pertsonen zaintzarako.

Zerbitzu publikoak indartzeko hitzetatik ekintzetara pasatzeko eskatu diegu EAEko erakunde eta alderdiei

Sindikatuok elkarretaratzea egin dugu gaur Espainiako Gobernuak Gasteizen duen ordezkariordetzaren aurrean, enplegua eta langile publikoen soldatak hemen erabakitzea aldarrikatzeko.

Duela hamar urte eroritako Nafarroako Industria Grafikoaren hitzarmen kolektiboa berreskuratzearen alde gaude

Gaur goizean Iruñean eman dugun prentsaurrekoan azaldu dugu Nafarroako Industria Grafikoaren hitzarmena 2014an erori zela, eta ordutik sektoreko langileen lan baldintzek nabarmen egin dutela okerrera. LABen uste dugu badela garaia tresna hura berreskuratzeko eta langileen baldintzak duintzeko; horregatik, udaren bueltan sektoreko intersindikala deituko dugu.