2024-05-25
HomeEkintza SozialaEskubide Sozialen KartaEuskal Herriko Eskubide Sozialen Kartatik bizitzak erdigunean jartzeko neurriak eskatu dizkiegu erakundeei...

Euskal Herriko Eskubide Sozialen Kartatik bizitzak erdigunean jartzeko neurriak eskatu dizkiegu erakundeei Koronabirusaren eta sistemaren krisiari aurre egiteko


Koronabirusak sortutako krisiaren aurrean, Euskal Herriko Eskubide Sozialen Kartatik langile klasearen eta gehiengo sozialaren aldeko neurriak hartzea eskatu diegu erakundeei. Larrialdi egoera horren aurrean, salbuespenezko egoera horri aurre egiteko neurriak hartu behar direla baieztatu dugu Karta osatzen dugun eragileok, baina zaintzak eta bizitzak erdigunean kokatuko dituen sistema bat eraikitzen hasteko unea iritsi dela ahaztu gabe.  


Kartak argi dauka "Koronabirusaren krisiak agerian utzi duela egungo gizarte ereduak aldaketa sakonak behar dituela". Azpimarratu du langile klasearen osasuna eta, oro har, herritarrena dela jokoan dagoena, eta kezka agertu du "osasun-krisiaren testuingurua aprobetxatuz epe motzean elite ekonomiko eta politikoen eraso berria" bihur litekeenaren aurrean. Karta prest agertu da egoerari aurre egiteko neurriak hartzeko, baina, era berean, azpimarratu dute sistema berri bat eraikitzen hasi behar dela, zaintzak eta bizitzak guztiaren erdigunean jarriko dituen sistema berri bat, hain zuzen ere.

Horretarako, Euskal Herriko Eskubide Sozialen Kartak proposamen zehatz batzuk aurkeztu ditu, helburu argi batzuekin: zerbitzu publikoak garatzea; egoera prekarioenean dauden kolektiboak babestea; oinarrizko eskubideak bermatzea, hala nola etxebizitza, elikadura osasuntsua, ura edo energia izateko eskubidea; zaintza-lanak garatzea; indarkeria matxistaren aurka borrokatzea; enplegua defendatzea eta bermatzea; neurriak hartzea langile klaseak krisiaren ondorioak ordain ez ditzan…

Salatu dutenez, Espainiako eta Frantziako gobernuak Koronabirusaren pandemiak sortutako alarma baliatzen ari dira estatuaren birzentralizazioa areagotzeko. Egoera horren aurrean, azpimarratu dute inoiz baino beharrezkoagoa dela subiranotasun politikoa eta materiala aldarrikatzea, eta, horregatik, gaineratu dute, bizitzari eusten dioten tresna publiko eta komunitarioek herritarren kontrolpean egon behar dutela, erabakitzeko eskubidea bermatuz. "Eredu berri baten inguruan indarrak batu eta artikulatzeko unea da", azpimarratu dute.
 

 

 

AZKEN ALBISTEAK | ÚLTIMAS NOTICIAS

Iruñea-Tuterako San Juan de Dios ospitaleko langileek ez dute “low cost” langileak izaten jarraitu nahi

Mobilizazioa egin dute Iruñeko Udaletxe plazan, zuzendaritzari negoziatu dezala eskatzeko. Enpresa-batzordeak 5 hilabete daramatza 2022ko abenduan bukatu zen hitzarmen kolektiboa berritu nahian. Soldata duinak eskatu ditu, bizitzaren garestitzearen eta KPIaren arabera eguneratutakoak.

Bergaran lan istripua izan duen langile bat oso larri dago

Atzo arratsaldean lan istripu larria gertatu zen Bergarako Embalan3 enpresan. Enpresako langilea, kamioi bat zamatzen ari zela, zama gainera erori eta azpian harrapatuta geratu zen. Une honetan langilea oso larri zaurituta dago erietxean.

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.