Larunbatean, irailak 9, LABeko etxeko langileen sail sindikalak hileko asanblada egin zuen, hasi berri dugun ikasturtean jorratu beharrekoak elkarrekin prestatzeko.
Oraingo honetan, helburu nagusia izan da kolektiboki adostea azaroaren 30ean egingo den Greba Feminista Orokorreko parte-hartzea eta errepresentazioa; izan ere, “ikusezin izateari uzteko borrokan jarraitzeko” hautua egin dugu. Halaber, zera nabarmenduko dugu: guk, zaintzen dugunok, zainduak izateko eskubidea daukagula.
Jende asko eta askotarikoa bertaratu zen deialdira, eta guztion parte-hartzea izan da aberasgarria. Hitzarmena orain! Etxeko langileak borrokan!
