2024-03-28
HomeEkintza SozialaEskubide Sozialen KartaEskubide Sozialen Kartaren lehen zirriborroa onartu zuten eragile sozial eta sindikalek Donostian...

Eskubide Sozialen Kartaren lehen zirriborroa onartu zuten eragile sozial eta sindikalek Donostian ospatutako III. Asanbladan

Larunbatean, hilak 5, Euskal Herriko Eskubide Sozialen Kartaren III. Asanblada ospatu zen Ibaetako Kanpusean (EHUn). Bertan Euskal Herri osotik etorritako hainbat eragile sindikal eta sozialetako ordezkaritza zabalak parte hartu zuen. Asanbladan eztabaida prozesuari hasiera emango dion Kartaren lehen zirriborroa onartu zen, udaran zehar Talde Sustatzaileak etengabean egin duen lanaren emaitza dena. Zirriborro honek Kartaren printzipio, eskubide eta aldarrikapenen lehen zerrenda jasotzen du. 

Eskubide Sozialen Kartak gehiengo sozial baten mesedetan egongo den eredu berri bat definitzeko beharrezkoak diren proposamen eta alternatibak jaso beharko ditu, eta beraz ezinbestekoa izango da herritarren parte hartzea honen eraikuntzan. Horretarako, bertaratutako eragileek, jendartearen ahalik eta esparru handienera iristea dute helburu, eraikitzen ari den Kartak euskal herritarron borondateari erantzun diezaion.

Hori horrela izanik, eta eztabaida ahalik eta zabalena eta parte-hartzaileena izate aldera, eskualde eta herrietan eztabaidatzeko metodologia eta epeak zehaztu dira bileraren bigarren partean, eta Kartaren eraketaren fase berriari hasiera eman zaio.

Karta osatzeko prozesuaren hurrengo mugarria abenduaren 14an burutuko den IV. Asanblada izango da. Bertan, eskualde eta herrietako prozesua baloratu eta ixte bidean beharrezkoak izango diren urrats berriak definituko dira.

Gutuna mobilizaziorako tresna ere izango da, eta gaurko biltzarrean mobilizazioaren aldeko hautu garbia egin da. Mobilizazio sozialik gabe ez dago politikak aldatzerik. Horretarako, gutunaren eztabaida eta sortze prozesu guztian zehar mobilizazio soziala sustatzea beharrezkotzat jo da.
 

LAB sarean
{module[111]}

       

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.