LABeko mobilizazioa egin du Bilbon, lan ikuskaritzaren aurrean, eskola-jangeletan ematen diren prebentzio neurri kaxkarrak salatzeko. Eskola-jangeletako langileei ikastetxeetan aldagela modura egokitzen zaizkien espazioak aproposak ez direla adierazi dugu.
Pandemiaren aurretik arazo hau bazegoen, baina areagotu egin da segurtasun neurrien ondorioz. Aldagelen neurriak ez dira egokiak, armairu falta dute eta hau gutxi ez balitz, euren lanalditik kanpo denbora erabili behar dugu txandak egiteko, aldageletan pertsona pilaketa ez egoteko eta euren osasuna babesteko.
Horrela, hainbat salaketa jarri ditugu Arabako, Bizkaiko eta Gipuzkoako lan-ikuskaritzetan, jangeletako langileen segurtasun-neurriak bermatzeko eta langileei lanalditik kanpo erabilitako denbora ordain diezaieten eskatzeko.