2024-05-27
HomeZerbitzu PribatuakMerkataritzaEnpresak ez duela benetako negoziazio bat abiatu nahi salatu dute Carrefour Oiartzungo...

Enpresak ez duela benetako negoziazio bat abiatu nahi salatu dute Carrefour Oiartzungo langileek

Grebak iragarri dituzte maiatzaren 27 eta 29 eta ekainaren 3 eta 5erako, "hemen lan egiten dugunez, hemen negoziatzeko gure aldarrikapena bete dadin".

Hauxe da Oiartzungo Carrefourreko Langileen Asanbladaren adierazpena:

Pasa den apirila hasieran, Carrefour Oiartzungo langileok langile asanbladan erabakitako 9 aldarrikapenez osaturiko negoziazio proposamena entregatu genion enpresari eta, saltoki handietako hitzarmen estatala negoziatzen ari zen bitartean, hemen ez negoziatzeko bere erabakia helarazi zigun. Etorkizunari begira ere, ez zuen inolako negoziazio konpromisorik hartzen enpresako zuzendaritzak. Hau horrela greba egutegi bat aurrera eramatea erabaki zuen Oiartzungo Carrefoureko langile asanbladak.. Hemen lan egiten dugunez; hemen negoziatzeko gure aldarrikapena bete dadin.

Asteburu honetarako ere (maiatzaren 12, 13 eta 15rako) greba deialdiak burutuak genituen, baina enpresaren ostiralerako bilera deialdia dela eta, hauek bertan behera uztea erabaki genuen negoziazioa irekiko zelakoan. Baina ez. Enpresaren asmoa ez da benetako negoziazioa abiatzea, eta mahai gaineratutako bere jarrera, ezin liteke gure proposamenetik hurrunago egon.

Hori dela eta, eta orain arte erabakiak hartzeko erabilitako bideari jarraituz, langile asabladak egin genituen atzo goizean goiz eta gauean, Carrefour Oiartzunen lan egiten dugu langileon gehiengoaren parte hartzea ziurtatzeko. Bertan hartutako erabakia gure borrokarekin aurrera jarraitzea izan zen, maiatzaren 27 eta 29 eta ekainaren 3 eta 5erako greba deialdiak eginez.

Gure helburuak argi ditugu, 9 puntuz osatutako gure proposamena negoziatu nahi dugu eta tinko segituko dugu horretan.
 

 

 

AZKEN ALBISTEAK | ĂšLTIMAS NOTICIAS

Iruñea-Tuterako San Juan de Dios ospitaleko langileek ez dute “low cost” langileak izaten jarraitu nahi

Mobilizazioa egin dute Iruñeko Udaletxe plazan, zuzendaritzari negoziatu dezala eskatzeko. Enpresa-batzordeak 5 hilabete daramatza 2022ko abenduan bukatu zen hitzarmen kolektiboa berritu nahian. Soldata duinak eskatu ditu, bizitzaren garestitzearen eta KPIaren arabera eguneratutakoak.

Bergaran lan istripua izan duen langile bat oso larri dago

Atzo arratsaldean lan istripu larria gertatu zen Bergarako Embalan3 enpresan. Enpresako langilea, kamioi bat zamatzen ari zela, zama gainera erori eta azpian harrapatuta geratu zen. Une honetan langilea oso larri zaurituta dago erietxean.

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.