2024-02-26
HomeZerbitzu PublikoakUdal eta Foru AdministrazioaEnpleguaren prekarizazioa eta suntsipena Santurtziko udaletxean

Enpleguaren prekarizazioa eta suntsipena Santurtziko udaletxean

LABek Santurtziko udalerako lan egiten duten pertsonen eskubideak eta lanpostuak berma ditzala eskatzeko eta kalitatezko udal zerbitzu publikoaren alde elkarretaratzea egin zuen pasadan ostiralean. Santurtziko Udaleko LABek Udaletxean enpleguan ematen ari den suntsipena eta lan-prekarietatearen gorakada kezkagarraia salatu zuen.

SANTURTZIKO UDALEKO LABen IRAKURKETA
LABek enpleguaren suntsipena eta lan-prekarietatearen gorakada kezkagarria salatu nahi du berriro, batik bat udalak kontratatutako enpresetan, zeinek batzutan udalak eskaturik edo bestetan prezioak jaisten dituzten enpresa batzuek beharturik, zenbait kontratuetan ikusi dugunez, lizitazio-prezioak bertan behera uzten dituzte.

– Mahastieta eskolako atezainaren pribatizazioa: segurtasun-enpresa bati esleituta, langileari astean 40 ordu baino gehiago egitearen truke 645 € hilabetean ordaintzen diona, beste lankideen erdia baino gutxiago. Apurka-apurka atezain zerbitzua pribatizatu gura dute eskola guztietan

– Udal bulegoetako garbiketa: udalak inposatutako orduen jaitsieragatik kaleratze arriskua

– Mamarigako kulturgunea: enpresa esleituak 2 langile kaleratu ditu

– Lan-taldea: enpresa esleituak 3 langile kaleratu ditu

– Bide-garbiketa: langileen prekarietate-handitze kezkagarria, bajak ez dira betetzen

– Udal bulegoetako segurtasuna: P3 enpresari zenbait kontratu esleitu (Gizarte Ekintza, Mahastieta eskola …) Gizarte Ekintzako langile subrogatuaren kaleratzea. Enpresa honek langileak esplotatzen ditu, dirua zor die eta ez du garaiz ordaintzen.

– Serantes Kultur Aretoa: langileek garaiz kobratzeko arazoak dituzte

Udal gobernuak ez ditu langile hauentzat baldintza duinak eskatzen, haien lan-baldintzen lepotik aurrezten du. Baina enpleguaren suntsiketa ez da bakarrik enpresa kontratatuetan gertatzen. Udalak berak ez ditu bajak edo erretiroak betetzen eta LPZko lanpostu asko bete barik daude. Horrezaz gain gero eta jende gutxiago kontratatzen da enplegu planen bidez. Begoñako Ama Birjinia Udal Egoitza dugu adibide garbia, bajak ez dira betetzen eta langile aurrezte horrek adineko pertsonei ematen den zerbitzuaren kalitatean eragina izan du.
Pribatizatzeko mehatxuak eguneroko kontua dira, eta bide horretan pausoren bat eman da betetzeko zegoen sendaketako erizainaren postua enpresa kontratatu batez bete da

LABek argi esaten du: Herri administrazioa kalitateko zerbitzu publikoak ematera behartuta dago, baita enplegu duina sustatzeko ere.

Beraz, udalari eskatzen diogu, udalerako lan egiten duten pertsonen eskubideak eta lanpostuak berma ditzala, kontratu agirietan eskakizun horiek sartuz, eta kontratua esleitu ondoren enpresa horiek zaintzapean eduki ditzala. Eta aldi berean udal zerbitzu publikoen kudeaketan politika aldaketa hasi dadila, pribatizazio joera hori geldiarazteko, atzera joz, publikora bihurtuz gehiengoak . Enpleguaren sustapena aldarrika dezala, bai udaletxean, bai enpresa kontratatuetan, langileetan eta eskubideetan ez murrizteko, enplegua sortzeko plan bat egin dadila, bajak eta LPZko lanpostu guztiak bete ditzala …

Aldarrikapen hauek negoziazio-mahitara eraman nahi ditugu, lapurtu dizkiguten eskubideen berreskuratzeko errebindikazioarekin, aparteko ordainsaria, soldata igoera… eta beste gai batzuk, esaterako euskalduntze prozesua, berdintasuna eta lan osasuna. Duela hilabete batzuk Pertsonal Batzordeak negoziazio-mahaiaren hasiera eskatu zuen, eta gaur egun ez du erantzunik jaso. Udal-batzordeak argi eta garbi erakusten du langileekin eta horien ordezkariekin duen erabateko mespretxua.  

 

LAB sarean
{module[111]}

       

AZKEN ALBISTEAK | ÚLTIMAS NOTICIAS

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.

Mecanerreko trantsizio ekosozialerako plana aurkeztu dugu

Enpresa-batzordean gehiengoa dugun LAB eta ESKk enpresaren trantsizio-planaren jendaurreko aurkezpena egin dugu Urdulizko Kultur Etxean. Enpresaren itxiera saihesteko eta haren etorkizuna ziurtatzeko egindako txostena eta trantsizio ekosozialerako proposamenak ezagutarazi ditugu. Plana enpresa batzordeak egin du Garua kooperatibaren eskutik, eta Urdulizko Udalaren laguntza izan du.