2024-06-25
HomeZerbitzu PribatuakMerkataritzaEnpleguaren alde eta kaleratzeen kontra Simplyko langileak

Enpleguaren alde eta kaleratzeen kontra Simplyko langileak

Pasa den abuztuaren 9an, Simply enpresak garbiketaz arduratzen zen Grupo Norte enpresako 31 langile kaleratuak izango zirela jakinarazi zuen. Enpresa-batzordeak langileak subrogatzeko eskatu zioten Simplyko zuzendaritzari eta honen erantzuna garbiketa zerbitzua bertan behera geratuko dela abuztuaren 31ean izan da. Egoerari honen aurreak langileak kalera irten dira enpleguaren alde eta kaleratzeen kontra subrograzioa eskatuz.

Enpresa-batzordearen irakurketa
"GUZTIOK GARA SIMPLYko langileak
Kaleratzerik ez. Subrogazioa orain!

Pasa den abuztuaren 9an, Simplytik kaleratuak izango zirela jakinarazi zieten ordura arte garbiketaz arduratzen ziren Grupo Norte enpresako 31 langileri.

Honen aurrean, enpresa-batzordeko ordezkariek langileak subrogatzeko eskatu zioten Simplyko Zuzendaritzari, baina honi ezezkoa erantzun dio Simplyk, egun horretan bertan jakinarazi zielako Bizkaiko enpresa-batzordeei garbiketa zerbitzua kendu egingo zuela 2017ko abuztuaren 31an, Bizkaian zein Estatutan. Garbiketa lan hau, orain arte Grupo Norte zerbitzu enpresako lankideek egiten zutena, Simply bertako langileek egitera pasatuko litzateke. Simplyk 31 langile kaleratuko lituzke horrela.

Bizkaian Simplyk dituen enpresa-batzordeetatik ulertzen dugu denok garela Simplyko langileak eta horregatik eskatu diogu enpresari lankide hauentzako berkokatze edo subrogazio osoa, orain arte egin izan duten lana egiten jarrai dezaten. Salatzen duguna da neurri berri honek dakarren bakarra Simplyko langileentzako murrizketa dela, horrela, lan-kargak handituko zaizkigu eta lan-baldintzak okertu egungo langileei.

Guzti horrengatik, abuztuaren 18an urjentziazko bilera eskatu zitzaion enpresari gatazka hau konpontzeko, eta erantzuna izan zen ez zela bilerarik izango oporretan zeudelako.

Enpresak erakutsitako interes falta honen eta geratutakoaren aurrean, Bizkaiko Simplyko batzordeek eta Grupo Norte azpikontratako langileek kontzentrazioa egin dute Bilboko Gordoniz kaleko 44an dagoen Simply saltokiaren aurrean, gaur osteguna, abuztuaren 24an, “Guztiok gara Simplyko langileak!” lemarekin, 12:30etik 13:00etara. Alde batetik, langileak jasaten hari diren jasanezinezko prekarietate egoera salatuko dute eta bestetik, datorren irailaren 1erako aurreikusita dagoen Grupo Norteko 31 lankideen kaleratzeen aurrean, subrogazioa eskatu. Gure ustez, Simplyko langileak dira hauek ere.

Bilbon, 2017ko abuztuaren 24an"

 

 

 

AZKEN ALBISTEAK | ÚLTIMAS NOTICIAS

Espainiar Estatuko langile publikoentzako soldata igoera inposatua da eta erosahalmenaren galeran sakontzen du Hego Euskal Herriko langileentzat

LABen ez dugu ontzat ematen bihar Espainiako Gobernuko Ministro Kontseiluak Estatu osoko langile publikoentzako (*) onartuko duen %2ko igoera gehi %0.5eko baldintzatutako gehigarria.

Zumarragako posta zerbitzuaren egoera onartezina da

Plantillari dagokionez, lanpostu huts ugari daude; adibide gisa, goizeko txandako langileen egoera; izan ere, egun batzuetan 5 pertsona baino ez daude bete beharreko 13 lanpostutarako, hau da, % 62 ez da betetzen. Zoritxarrez, egoera hori oso ohikoa da lantoki honetan. Plantillak hainbat elkarretaratze egin ditu langile-falta salatzeko, baina arazoa ez da hobetzen hauteskunde-aldiaren ondoren, eta enpresak ez du inolako asmorik kontrataziorik egiteko. Uztailaren 7an oporraldian sartuko gara eta oporretara joango diren langileak inork ez dituela ordezkatuko aurreikusten da.

Nafarroako Zurgintzako hitzarmena sinatu dugu, eskubideetan aurrerapenak baititu eta erosteko ahalmenari eusten baitio

Gaur goizean LAB sindikatuak Zurgintza sektoreko Nafarroako hitzarmena sinatu du, 2023 eta 2025 urte bitarteko indarraldia izanen duena. Hitzarmen honek eskubideak handituko ditue eta langileen erosteko ahalmenari eutsiko dio; nahiz eta negoziazioak iraun bitartean patronala behin eta berriz saiatu den lan baldintzak okerragotzen praktiketako kontratuen soldatak txarragotzeko edo soldata igoera KPItik aldentzeko bezalako neurriekin.