2024-02-26
HomeZerbitzu PublikoakOsasungintzaEnplegu publikoaren aldeko dekalogoa aurkeztu du LABek Osakidetzaren itxikeriaren aurrean

Enplegu publikoaren aldeko dekalogoa aurkeztu du LABek Osakidetzaren itxikeriaren aurrean

Osakidetzako negoziazio kolektiboaren gaineko diagnostikoa negoziaziorik ez dagoela baino ez da. Bi bilera burutu ostean, hasierako leku berean gaude: PNVk lanaldia luzatu baino ez du egin nahi eta, gaur gaurkoz, ez da gai izan zorioneko proposamena ezta idatziz ekartzeko ere.

Bitartean, Darpon kontseilariak ez du abagunerik galtzen Osakidetzako langileok eta ordezkari sindikalok iraintzeko eta gurekin gezurretan ibiltzeko. Ikuskizun tristea da hain berria den kontseilaria dagoeneko gezur borobilak erabiltzeko irtenbide errazean tematuta, negoziazioa bideratu ezinean eta gehituz doazen mobilizazioek kezkatuta. LABek exijitu egiten dio Darponi Parlamentuan Osakidetzako 30.000 baino gehiago langileei publikoki bakarmena eska diezaien.

Aurrekoetan esan bezala, LABek helburu biei eutsiko die: lehenengo eta behin, negoziazioaren joko-arauak berauek errespetatzea; eta, behin benetako negoziazioan sartuta, publiko egin dugun enplegua sortzeko Dekalogoa mahai gainean ipiniko dugu.

Bestaldetik, jakinarazi nahi dugu Osakidetzak deitutako aldebiko bileretara joateari utzi egingo diogula. Gai guztiak mahaian bertan azaldu behar dira, sindikatu guztion aurrean eta ez ilunpetan.

Bitartean, mobilizatzeari eta protestak gogortzeari ekingo diogu. Izan ere, sektoreko sindikatuok dagoeneko hasiak gara Osakidetzaren itxikeriari erantzun komunak emateko aukerari buruz hitz egiten. Era berean, Osakidetzak bere horretan jarraituz gero, lanaldiaren igoera inposatu nahian abiapuntu moduan, uste dugu sindikatu guztiok mahaitik altxatu beharko genukeela, negoziazioa bera bermaturik izan arte. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.