2024-05-22
HomeIndustriaFederazioa«Emakume, gazte eta langabetuok lan egiteko gaitasuna eta prestutasuna soberan dugu, enplegu...

«Emakume, gazte eta langabetuok lan egiteko gaitasuna eta prestutasuna soberan dugu, enplegu duina da falta dena»

Gezurra da langile kualifikatuen faltan gaudenik Euskal Herrian. Baina hori esateko ausardia izan du FVEM Bizkaiko metalgintzako patronalak. Emakumeak ez gaudela prest industrial aritzeko, gazteek tailerra baino moketa nahiago dugula… Jose Luis Lopez Gil FVEMeko buruak esandako gezurrek ezinegona eta amorrua eragin dute. Euskal langileon kontrako irainak dira hark egindakoak, eta bereziki, gazteak, emakumeak eta langabetuak iraindu ditu. Industrian lan egiteko gaitasuna eta prestutasuna duten herritarrak soberan daudela erakutsi eta benetan falta dena kalitatezko enplegu duina dela ikus dadin, Lan Delegaritzari zuzenduriko lan eskaerak bidaltzeko ekimena jarri da martxan.

Sortutako egoeraren aurrean, emakume arlotik, langabetuek arlotik eta ERNAI gazte antolakundearen arlotik, LABekin lankidetzan, ekimen bat iragarri da gaur: Euskal Herrian lan egiteko gaitasuna eta prestutasuna duten herritarrak soberan daudela erakutsiko dugu, eremu ezberdinetako langile kualifikatuen lan eskariak batu eta aurkeztuz Lan Delegaritzan (LABeko egoitzetara edota www.lab.eus helbidera bideratu daitezke lan eskaerak).

“Bizi dugun egoera larriaren erantzule egiten gaitu patronalak” salatu dute ekimenaren sustatzaileek. “Belaunaldirik prestatuena gara, soberak prestatuak gaude”, azpimarratu dute. Prestaketa akademikoaz haratago lan egiteko prestutasuna ere badutela adierazi dute, baina ez daudela prest prekarietatera kondenatuak bizitzek.

Ozen salatu dituzte patronalaren adierazpen “lotsagarriak” . Eta mozorroa kendu diote: Emakumeak industria eremuko lantokietan ez egotea ez da emakumeen erabakia, patronalarena baizik, emakumeak zokoratu izan dituelako historikoki. “Zaintza arloko lanak besterik ez dizkigute utzi edo hirugarren sektorekoak, beti ere baldintza prekarioetan”, baieztatu dute.

Gazteek lan munduan “iraunkorki” pairatzen duten egoera salatu dute. Gordina da errealitatea, gazteen %50 langabezian dagoelako. Eta lan munduan, aldi baterako kontratuak, kontraturik gabeko lanpostuak eta enpresetako praktikaldi esplotatzaileak dira patronalak eskaintzen dizkienak.

Bestalde, langabezia tasak hizpide izan dituzte langabetuek. Urteetan industrian aritutakoak dira, urteetan aberastasuna sortu dute, eta urteetan esperientzia pilatu. Haiek ere, beraz, kualifikazioa soberan, baina emakumeak eta gazteak bezala, kalitatezko enplegua falta. “Patronalak ahalik eta gehien irabazi nahi du ahalik eta denbora gutxienean, eta eredu honetan langileontzako pobrezia besterik ez dago”, salatu dute.

Gazteak, emakumeak eta langabetuak, guztiak gogor jo ditu egungo egoera sozioekonomikoak eragindako prekarietateak. Eta ez daude prest, ez gaude prest, patronalaren irainen aurrean isilik geratzeko. Gaurdanik ekimena martxan da: herri honetan langile aski kualifikatuak daudela adierazi eta haien neurriko lanpostu duinak falta direla erakusteko kanpaina abiatuko dute, LABekin elkarlanean.

 

 

AZKEN ALBISTEAK | ÚLTIMAS NOTICIAS

Euskal hitzarmenen lehentasuna bermatuta, esparru propioaren eraikuntzan urrats gehiago eskatu ditugu

Aurreko erredakzioa hobetzeko LABetik egin genituen eskarietako batzuk aintzat hartu dira; ondorioz, Euskal Herriko langileek bertako hitzarmenen lehentasuna bermatu ahal izango dute.

Osakidetzako zuzendaritzak eta Osasun Sailak ikuztegiak publifikatzeari ekin behar diote, LABek lortutako EAEko Justizia Auzitegi Nagusiaren epaiaren ondoren

Eskaera formal bat aurkeztu dugu Osasun Sailean, Osakidetzan ikuztegi lanak publifikatzeko behar diren elkarrizketei ekiteko asmoz.

Gasteizko Francisco Vitoria institutuan lan-osasun arloko prebentzioa bermatzeko exijitu dugu

Ikastetxeko langileek eta sindikatuok elkarretaratzea egin dugu Gasteizko Hezkuntza Ordezkaritzaren aurrean. Hezkuntza Sailak eta ikastetxeko zuzendaritzak uko egin diote arrisku psikosozialen ebaluazioa egiteari.