2024-09-19
HomeZerbitzu PribatuakMerkataritzaElkarretaratzea bat egingo dugu bihar, Oiartzungo Alcampon, saltoki handietako hitzarmena salatzeko

Elkarretaratzea bat egingo dugu bihar, Oiartzungo Alcampon, saltoki handietako hitzarmena salatzeko


Fetico, Fasga, UGT eta CCOO sindikatuek eta ANGED patronalak hitzarmena sinatzeko akordioa egin dute. Hitzarmenean ez dute kontutan hartzen bertan lan egiten duten langileen beharrak eta beste behin ere iruzur berri bat egin diete sektoreko langileei. Hala, LABek elkarretaratzera deitu du ostiralerako, 10:30ean, Oiartzungo Alcampon, "Hemen lan egin, hemen negoziatu" aldarriarekin. Sindikatutik sektoreko langileak animatu nahi ditugu Carrefour Oiartzungo lan taldeak abiatutako bidea jarrai dezaten.

LABetik aspaldi ari gara ohartarazten hemen lan egiten dugun langileok ezin dugula inon itxaropenik izan Madrilgo mahai negoziatzaileetan adosten denarekin, akordioa onuragarria izango ez delakoan. Hori dela eta, hemen lan egiten duzuen langileei lantokietan pausoak eman ditzazuten animatzen zaituztegu. Urratsak akordioak lortzeko, prekarietatetik irteteko eta lan baldintza duinak izateko akordioak, hain justu. Honen adibide da Oiartzungo Carrefour merkataritza guneko langileek abiatutako bidea, 3 greba egun egin ondoren, non hipermerkatua itxita egon den, akordio on bat lortu dute hitzarmen estataletik at eginez.

LABetik Carrefour Oiartzungo langileak zoriondu nahi ditugu mobilizazio hauetan erakutsitako jarrera eta konpromisoagatik, eta sektoreko gainontzeko langileak animatu nahi ditugu Carrefour Oiartzungo lan taldeak abiatutako bidea jarrai dezaten. Carrefourren ahal izan bada, gainontzeko enpresetan ere ahal da.
 

 

 

AZKEN ALBISTEAK | ÚLTIMAS NOTICIAS

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.

Fekoorren mobilizazio zikloa abiatuko dugu datorren astean

Desgaitasun fisikoa edo/eta organikoa duten pertsonen Bizkaiko Federazio Koordinatzaileko beharginek hitzarmen propioa dute aldarri.