Eskubide Sozialen Kartak Azoka Gardenak antolatu ditu Bilbo eta IruƱean, bertoko elikagaiak eta tokiko kontsumoa bultzatzeko asmoz. Bertan azaldu dutenez, egoera ājasanezinaā da. āInfazioak gora egin du eta egiturazko arazoak gero eta gehiago dira; langileon diru sarrerak eta zerbitzu publikoak, ordea, murrizten ari dira. Elikadura eskubidea ere kolokan dagoā, salatu dute. Gaineratu dutenez, erosahalmena murriztu denez, kontsumitzaileak kalitate baxuagoko produktuak -jaki prozesatuak, kasu- kontsumitzen hasi dira, horrek osasunean ondorio kaltegarriak dituen arren. āSabela betetzea eta osasuntsu elikatzea ez dira gauza bera. Bertoko elikagaiak bihurtu ditzagun elikadura osasuntsu baten bermeā, azpimarratu dute.
Zentzu horretan, gaurkoan 10 euroko oinarrizko saskia osatu dute sasoiko barazkiekin (%35), esnekiekin (%25), ogiarekin (%20) eta arrautzekin (%20). Saski honekin, egun baterako bi pertsonentzat oinarrizko elikagaiak bermatzen saiatu dira; aldi berean, tokiko ekoizpenari lehentasuna eman diote.
āKalitatezko elikagaiak osasuntsuak direla bermatzeko modurik onena baserritarrekin zuzeneko harremana izatea eta tokiko komertzioetan kontsumitzea da. Era berean, prezio egokiena bermatuko dute. Ez da pobreziari aurre egiteko tresna bat, baizik eta kapitalaren interesei alternatiba egoki eta osasuntsu bat garatzeko moduaā, azaldu dute.
Baserritarren kolektiboak eta langile kolektiboak elkarren eskutik abiatu behar dutela nabarmendu dute.
āBaserritarrak eta langile klasea txalupa berean gaude arraunean; pobreziari STOP, elikatu baserritikā, nabarmendu dute.