2025-04-26
Home8. Biltzar NagusiaBiltzar NagusiaEkainaren 21 eta 22an LABek datorren urteetarako lan ildoak zehaztuko ditu Barañainen...

Ekainaren 21 eta 22an LABek datorren urteetarako lan ildoak zehaztuko ditu Barañainen ospatuko den VIII. Biltzar Nagusian

Ostegun eta ostiral honetan, ekainak 21 eta 22, LABek bere VIII. Biltzar Nagusia ospatuko du Barañainen, eta kongresuko astean sartu garelarik, Ainhoa Etxaide idazkari nagusiak eta Nafarroako bozemale Igor Arroyok sindikatuarentzat aparteko garrantzia duen hitzordu honen inguruko xehetasunak eman dituzte gaur Iruñean.

Arroyok azaldu duenez, VIII. Biltzar Nagusia Nafarroan egitea ez da kasualitatea, “erabaki konsziente eta politiko baizik, sindikatuarentzat garrantzia estrategikoa duena, euskal proiektu nazionalaren eraikuntzan.

NAZIOARTEKO KONFERENTZIA
«Erantzun sindikala mundu mailako krisi kapitalismoaren aurrean»
LABen VIII. Biltzar Nagusiaren testuinguruan, asteazkenean, ekainak 20,
NAZIOARTEKO KONFERENTZIA antolatu du sindikatuak Iruñean, UPNAko Erizaintza Eskolan goizeko 9:30etan. 


”Uneotan bi dira Nafarroa erdigune politikoan kokatzen duten arrazoiak, murrizketen ezarpena eta horien aurkako borroka batetik, eta Nafarroaren konkistaren 500. Urteurrenaren harira piztu den eztabaida politikoa, bestetik. Etxaidek eta Arroyok azpimarratu dute LABek Euskal Herri osorako estrategia nazionalaren baitan (Euskal Herri osoan zabalduta, izaera nazionala duen sindikatu bakarra da LAB), baduela “Nafarroarako ere alternatiba independentista bat”.

Biltzat Nagusiaren xehetasunetan sartuta, eztabaida prozesuan 2500 kidek baino gehiagok hartu dute parte, ekarpen ugari eginez: 230 emendakin egin dira guztira, 140 ponentzia politiko-sindikalari eta 90 antolakuntza ponentziari. Prozesu horretatik ateratako ondoriorik nabarmenenak bi dira: barne kohesio handia, eta ondorioz, egindako ekarpenak sindikatuaren lerroak indartzera bideratuak egon izana. Zuzenketa gehienak adostuak izan badira ere, Biltzar Nagusian eztabaida “bizia” emango dela aurreikusten du Etxaidek. Biltzarkideek, orotara 500 lagun inguru, zuzendaritza berria ere hautatu beharko dute.
Orain lau urte hartutako konpromisoari jarraipena emanez, “anbizio osoz eta bide berri bat egiteko prestutasunez”, idazkari nagusi karguari beste lau edo, hala erabakiko balitz, bost urtean eusteko prest da Etxaide, eta aldaketaren bat edo beste salbuetsita, berarekin sindikatua zuzendu duen lantaldea ere bai.
Erabaki berriak hartuz urrats berriak egiteko eztabaidan zentratuko da VIII. Biltzar Nagusia. Finkatu beharreko estrategia bi zutaberen gainean eraikitzea proposatzen da: konfrontazioaren beharra batetik, eta bestetik, Euskal Herrian akordioak eraiki beharra, aliantza berriei bide emanez.

Azken lau urteetan egindako lanari buruz galdetuta, urte “oso gogorrak” izan direla nabarmendu du Ainhoa Etxaidek: “Aurreko kongresuan esan genuen ematen ari zen guztia krisi gogor batean lehertuko zela, eta horrela izan da, baina inor gutxik aurreikusi zezakeen gertatu den guztia gertatuko zenik. LABeko ordezkarien esanetan, “testuinguru gogor honetan euskal langileriaren eskutik eman den erantzuna bikaina izan da, eta erantzun horrek egiten du posible gaur esan ahal izatea Euskal Herrian alternatiba eraikitzea posible dela”.

Bide horretan garatuko du LABek bere VIII. Biltzar Nagusia, ostegunean hasita.

AZKEN ALBISTEAK | ÚLTIMAS NOTICIAS

ELA, LAB, CCOO, UGT, ESK eta USO sindikatuek Enplegu Zentro Berezien EAEko lehen lan hitzarmena exijitzeko elkarretaratzera deitu dute apirilaren 28an

Apirilaren 28an Enplegu Zentro Berezien lehen lan hitzarmena negoziatzeko hirugarren mahai negoziatzailea izango da Bilbon. Sindikatuek, bileraren harira, elkarretaratzera deitu dute, patronalak orain arte izandako jarrera salatzeko eta asteleheneko mahai negoziatzailean aurrera pausoak egoteko. 12:45ean izango da elkarretaratzea, Bilbon, Lan Harremanen Kontseiluaren aurrean.

LABek LEP partzialaren eta behin-behinekotasuna murriztearen aldeko botoa eman du Nafarroako Mahai Orokorrean

Euskararen eta Europar Batasuneko hizkuntzen ezagutza zein lanpostutan baloratuko den jasotzen duen plantillaren aldaketa, ordea, aurrera atera da, bertan zeuden sindikatuetako bakar baten babesik gabe.

[IRITZIA] Sindikalismo feminista internazionalista: Rana plaza gogoan

Jarraian irakur dezakezue Amanda Verrone Nazioarteko Idazkaritzako kidearen eta Elixabete Etxeberria eta Maddi Isasi Idazkaritza Feministako kideen artikulua.