2024-02-27
HomeZerbitzu PublikoakKomunikabideakEITB Lan Erreformaz baliatuko da

EITB Lan Erreformaz baliatuko da

Asteartean zuzendaritza Eusko Irratiko langile batzordearekin eta atzo Euskal Telebistakoarekin bildu zen berriro zuzendaritza. Bi bilera hauetan EITBk Lan Erreformak ematen dion aukera inondik ere ez duela alferrik galdu nahi garbi utzi duela salatzen du LABek. 

Izan ere negoziazioak hasitakoan indarrean zeuden hitzarmenak bernegoziatzen hasi aurretik, akordio horiek ontzat ematen jarraitzen duten ala ez jakin beharra dago, hots, hitzarmenen ultraaktibitatea onartzen den ala ez. Behingoz erantzun garbia emateko eta bileretan erabilitako «kantinfleoak» alde batera uzteko eskatu izan zaio behin eta berriz, eta azkenean CONFEBASKek berak bezain garbi utzi du Zuzendaritzak: «ez dugu Lan Erreforma aplikatzeko asmorik, baina ultraaktibitateak negoziazioa Komitearen esku uzten du erabat». Zuzendaritzaren plataforman «aurrerakuntza nabarmenak» egotekotan negoziazioak irauten duen bitartean «hitzarmenaren indarraldia luzatzeko prest» agertu da.

Badirudi Zuzendaritzak ez duela akordioa betetzeko asmorik, eta izatez gaur bertan PRECOn bilera egon da (Zuzendaritzak ez du bertaratu ere egin) berriro ere Lan Hitzarmena urratu egin duelako hain zuzen ere. Beste batean sakonago landuko badugu ere, hauxe da koxka: erretiro edota heriotzagatik hutsik gelditutako plazak beste lanposturen batekin deialdi publikoaren bidez bete beharra jasotzen da Hitzarmenean, eta Zuzendaritzak hauetako batzuk amortizatzeko asmoa garbi azaldu du. Ez du hain zuzen ere jarrera bera mantentzen zuzendaritzak organigramaren berrantolaketarekin mantentzen dituen konfidantzako karguekin, deialdi publikorik pasatu gabe ere postuan jarraitzeko konpromiso publikoa hartu baitu.

Datorren astean langile batzarrak egingo dira egoera langileekin partekatzeko. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.