Atzo urgentziazko neurri moduan, Haurreskolak Partzuergoak izena emateko epea ireki du gaur eta biharko. Bi egunetako izen-emate honen ostean, zerrendak berriro ere itxita mantenduko dira. Bada, bart, Eibarreko Haurreskolak Partzuergoaren egoitza aurrean ehundaka lagunek pasatu dute gaua, izen ematearen zain. Goizeko 8:00etan, 500 pertsona zeuden bertan.

Pasa den ostegunean, ekainaren 8n, Haurreskolak Partzuergoaren ordezkapenak betetzeko hautagaien zerrenda agortu egin zela jakin zuen LABek, eta momentu horretan, enpresak ez zuela inolako hautagairik haurreskola batzuetan beharrezkoak ziren ordezkapenak betetzeko.

LABek, gaurko egoera hau ekidin nahian, azkenengo urteetan hainbat proposamen egin ditu ditu ordezkoen zerrenda eta ordezkoen araudiaren inguruan. Kasu guztietan ezezko borobila baino ez dugu jaso. Haurreskolak Partzuergoko zerrendak 2011an itxi zituzten.

Beraz, hau dena ikusita, ekainaren 9an LABek eskaera zuzena bideratu zien Haurreskolak Partzuergoaren gerente eta pertsonal kudeaketako arduradunei. Lehenik eta behin, urgentziaz, zerrendak irekitzea eta izen emate hurrenkeraren arabera, ordezkapenak eskaintzea. Jende hau zerrendetan sartuko litzateke. Eta bigarrenik, era ofizial batean, zerrendak ireki eta dagokion epean barematzea.

Atzo urgentziazko neurri moduan, Haurreskolak Partzuergoak izena emateko epea ireki du gaur eta biharko, ekainaren 13an eta 14an. Bi egunetako izen-emate honen ostean, zerrendak berriro ere itxita mantenduko dira.

Hezkuntza Sailak, orain dela bi urte, heziketa bereziko zerrendak eta sukaldari eta garbitzaileenak ere zabaldu zituen. Milaka pertsonak izena eman zuten eta egun, ordezkapenek bete barik jarraitzen dute, zentroak egoera larrian jarri arte. LABek irakaskuntzako zerrendak irekita mantentzea eskatu du azkenengo urteetan.

Bart, Eibarreko Haurreskolak Partzuergoaren egoitza aurrean ehunka lagunek pasatu dute gaua, izen ematearen zain. Goizeko 8:00etan 500 pertsona zeuden bertan.

Hau al da Eusko Jaurlaritzak nahi duena bertoko gazteentzat? Zer dio Erkoreka jaunak egoera hau ikusita? Baldintza onenak ditugula irakaskuntzakook?

Eusko Jaurlaritzari dei egiten diogu jar dadila negoziatzera behingoz. Hezkuntza ez dago salgai. Orain inoiz baino gehiago, 0-3 urte arteko zikloa unibertsala, doakoa, euskalduna eta kalitatezkoa izatea eskatzen dugu.