2024-03-29
HomeZerbitzu PublikoakOsasungintzaUrdulizko ospitaleko oinarrizko zerbitzuak pribatizatu nahi ditu EAJk

Urdulizko ospitaleko oinarrizko zerbitzuak pribatizatu nahi ditu EAJk

Osakidetzak Urdulizko Ospitale berriko lentzeria, sukaldea, elikadura, eta ebakuntza-geletako arropa zerbitzuak, besteak beste, lehiaketa publikora atera berri ditu. Honela, alderdi jeltzaleak Osakidetzako oinarrizko zerbitzuen pribatizazioaren alde egiten du modu argian. Ezin dugu ahaztu garbiketa zerbitzua pribatizaturik dagoela ospitaleak ateak ireki zituenetik.

Darpon Kontseilariaren diskurtso klasistaren kontra, langile ez-sanitarioak eta egiten duten lana mespretxatzen dituena, aipaturiko lanak funtsezkoak dira gure osasun publikoak ondo funtziona dezan. Garbiketa, elikadura eta arroparen kudeaketa ospitaleko oinarrizko osagaiak dira eta pazienteen osasun eta hobekuntzari zuzenena eragiten diote; horregatik Osakidetzako langileen esku egon behar dira. Hamaika ikerketek argitu dute lan hauen pribatizazioak diru kostuak handitzea eta kalitatea jaistea baino ez dakarrela, enpresa pribatuaren etekin gosea tartean baita. Gainera, enpresa horietako langile gehienek baldintza prekarioetan egiten dute lan.

Zergatik pribatizatzen da orduan? Negozioa egitearren, argi eta garbi. Bakoitzaren negozioa, etorkizunerako negozioa (ezin ahaztu “ate birakariak”) edota alderdikide, senide edo lagunen negozioa. LAB sindikatutik Osasun Kontseilari Dapon jaunari, postu horretara IMQren gerentziatik zuzenean heldu zena, bere agerpen mediatiko horietako bat aprobetxa dezala exijitzen diogu, pribatizazio hauen arrazoiei buruzko azalpen publikoak eman ditzan; eta jarraian, dimisioa aurkezteko, beste arrazoi askoren artean, zerbitzu berriak ez pribatizatzeko konpromisoa ez betetzeagatik.

LAB sindikatuak zerbitzu hauek pribatizatzeko erabakian atzera egiteko ere eskatzen dugu, garrantzi handiko zerbitzu hauek Osakidetzaren esku egon behar baitute.
 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.