EAEn hasten den legegintzaldi berriaren aurrean, bidea egin beharra dago, bakea, demokrazia, burujabetza eta justizia sozialaren alde ezkerretik alternatibak eraikitzeko. 

Igandeko EAEko hauteskundeak EAJk irabazi ditu. Alderdi honek ez du bere burua ezkutatzen arlo sozioekonomiko eta laboralean: batetik, akordio antidemokratikoak sustatu ditu, langileon gehiengoaren hitza eta erabakiaren aurkakoak. Bigarrenik, alderdi jeltzaleak ez du inolako asmorik Madrildik datorren inposizio eta murrizketei aurre egiteko. Neoliberaltasuna bere ADNan txertatuta duen EAJk kapitalaren interesak lehenesten ditu herritarron biziraupena eta duintasunaren kontura. Hortaz, EAJk irabazi izana albiste da euskal langileontzat. 

Dena ere ez da beltza, ordea. EH Bilduren emaitza poztekoa da. Ezker soberanistak behar duen tresna politiko-instituzionala izateko baldintzak ditu EH Bilduk.

Legebiltzar berrian gehiengo zabala dago erabakitzeko eskubidearen aldekoa, eta hori ere pozgarria da. Erabakitzeko eskubidea nahi dugu, aldaketa sozialak bultzatzeko erabaki egin nahi dugu.

Hari horretatik tiraka, baina, EAJk orain arte esan eta erakutsi drenaren arabera, ez dirudi Herri honek beharrezko eta premiazko dituen akordioak sustatu eta bermatzeko borondaterik izango duenik.

Azkenik, arreta jarri nahi diogu egondako abstentzioaren igoerari. Kontu garrantzitsua iruditzen zaigu. Beharrezkoa izango da abstentziora jo duten milaka langile horien aktibazioa, benetako alternatiba ezkertiarra eraiki nahi bada. Orain EAEn hasten den legegintzaldi berriaren aurrean, bidea egin beharra dago, mobilizazioaren bidez, bakea, demokrazia, burujabetza eta justizia sozialaren alde ezkerretik alternatibak eraikitzeko.