Tunstall Televida-GSR-Grupo IMQ enpresak kudeatzen du Eusko Jaurlaritzaren Beti on telelaguntza zerbitzu publikoa. Honek, etekin handiak lortzen ditu Eusko Jaurlaritzak horren kudeaketarako bideratzen dituen 41 milioi euroetatik.
Une honetan, 120 langileek berriztu gabe daukate hitzarmen kolektiboa eta patronalak horren negoziazioa oztopatzen jarraitzen du. Negoziatzen hasi zirenetik ez du soldata hobekuntzarik eskaini, ezta kontziliazio neurrietan pausorik eman ere.
Egoeraren aurrean, LAB, ELA, UGT eta ESK sindikatuok deituta, 4 greba egun zituzten langileek martxoan, eta, apirilean, greba egun gehiago antolatu dituzte. Gaurkoan, zazpigarren greba eguna izan da, eta Bilbon mobilizatu dira, Eusko Jaurlaritzari beste aldera begira ez dezan eskatzeko.
Apirilaren 25 eta 30erako beste bi greba egun iragarri dituzte.