LAB sindikatuak Haurreskolak Partzuergoko kudeaketako langileen greba deialdia erregistratu du gaur Eusko Jaurlaritzaren Bilboko egoitzan, abenduaren 23tik urtarrilaren 24ra. STEILAS eta ELA sindikatuak deialdi honekin bat egitera deitzen ditugu.

2018ko martxoaren 6an, LABek irakaskuntza publikoan egin ziren mobilizazio dinamikari erantzun zion, Haurreskolak Partzuergoko akordioa sinatu zuen gehiengoa baliatuz. Eusko Jaurlaritzak eta Haurreskolak Partzuergoak orain arte kudeaketa alorreko puntua garatzeko negoziazioari bide eman badio ere, akordio berria gauzatzeko momentua heldu den unean:

-Haurrreskolak Partzuergoko teknikari eta administrarien langileen zerrenda handitzeari ezetz esan dio.

-Hezkuntza saileko langileekin kategoria eta soldaten ekiparazioaren gauzatzea atzeratzen ari dira.

-Langile hauen ordezkatzeko egoerak, ordezkoen araudia eta barne sustapenak egiteko dokumentuak borobildu ezinik gabiltza.

Aitzakia, aurrekontuen legea eta negoziatzen ari diren EAEko 2020ko aurrekontuak dira. Beraz, dei egiten diogu bereziki, EAJ eta Elkarrekin Podemosi, Haurreskolak Partzuergoko langile eta familien beharrei erantzungo dieten neurriak hartzera. Hain zuzen ere, Haurreskolak Partzuergoaren doakotasuna eta gatazka honi erantzungo dizkiotenak.