2024-03-29
HomeIrakaskuntzaGizarte ekimeneko ikastetxeakDiru publikoz sostengatutako Gizarte Ekimeneko zenbait ikastetxetako EEEk salatzen ditugu

Diru publikoz sostengatutako Gizarte Ekimeneko zenbait ikastetxetako EEEk salatzen ditugu

Koronabirusaren krisiaren kudeaketa dela, Eusko Jaurlaritzak izan duen inprobisazioa eta aurreikuspen faltaz gainera; orain, egoera aprobetxatuz, Gizarte Ekimeneko ikastetxe batzuetan egin nahi den diru publikoaren kudeaketa okerra ere salatzen du LABek.

Koronabirusa dela eta, Hezkuntza Sailak aginduta, Gasteizko ikastetxeetan haur eskoletatik hasi eta EHUra arteko eskola-orduak bertan behera geratu dira. Egoera honen aurrean, Gizarte Ekimeneko Ikastetxe batzuetan, ikuspuntu pedagogikoaren aurretik eta ikuspuntu ekonomizista lehenetsiz, Emplegu Erregulazio Espedienteak (EEE) egin nahi dituzte 0-3ko zikloan.

Eskola-orduak bertan behera geratu badira ere, ikastetxeak, ordea, ez dira itxi eta langileak lanera joan behar dira zeregin pedagogikoak egitera: eskolako proiektuak landu, formakuntza-saioak, materialen prestaketa…

Baina ikastetxe batzuetan, 15 eguneko ordu lektiboen etenaldi hau EEEak egiteko aprobetxatu nahi dutela salatu nahi dugu. Gizarte Ekimeneko Ikastetxeetan 0-3ko zikloa diru publikoarekin sostengatuta dago eta langileek prekarietatea jasan behar izateaz gain (lanaldi partzialak, soldata baxuak eta soldata-arrakala handia), orain enpresek EEEak egin nahi dizkiete langile hauek oraindik eta egoera babesgabe eta larriagoan utziz.

Hori dela eta, LAB sindikatuak Eusko Jaurlaritzari koronabirusaren gaiarekin arduraz jarduteko eta eraginkorrak diren neurriak hartzeko eskatzeaz gainera, langileekiko sentsibilitatez eta erantzunkizunez aritzeko eskatzen dio. Eta erantzunkizun horretatik Hezkuntza Departamentuari Erregulazio Espedienteak ez onartzea exijitzen diogu.

 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.