2024-06-17
HomeNazioartea IdazkaritzaElkartasunaDemokraziaren joko arau oinarrizkoenak urratu ditu berriro Espainiako Estatuak

Demokraziaren joko arau oinarrizkoenak urratu ditu berriro Espainiako Estatuak

Unionismoak makineria guztia du martxan Kataluniako herriaren aurka, eta, egunerokoa erakusten ari den bezala, ez du gelditzeko asmorik. Hain zuzen ere, demokraziari atea ixten jarraitzen dio.

Urriaren 1eko erreferendumaren harira bultzatutako oldarraldiak segida izan du azken hilabeteetan, 155. artikulua ezarrita; hala ere, Kataluniako herriak erabakitakoari muzin egiten jarraitzen du Madrilek. Salbuespen egoeran gauzatu ziren hauteskundeak joan den abenduaren 21ean, Espainiako Gobernuak berak deituta; hala ere, burujabetzaren aldekoak gehiengo izanagatik, emaitzak ez ditu errespetatu. Gaurko eguna horren adibide izan da. Izan ere, Legebiltzarraren gehiengoak aukeratutako hautagaia Carles Puigdemont ezin izan dute presidente gisa izendatu, osoko bilkura bera ere ezin izan dutelako ospatu, mehatxuak mehatxu.

Kataluniako herriak hitz egin du, eta horren araberakoa izan behar du Legebiltzarraren eraketak, funtsesko ariketa demokratikoa eginez gero. Espainiako Gobernuak, ordea, demokraziaren joko arau oinarrizkoenak urratu ditu berriro, Legebiltzarraren zilegitasuna erasotzeaz gain, Kataluniako gehiengo sozial eta demokratikoaren erabakia ez baitu aitortu. Bide baketsu eta demokratikoetatik proiektu politiko guztiak defendagarriak direla entzun izan dugu behin eta berriz. Bada, Espainiak ez du erabakitzeko eskubidea ez onartzen, ez errespetatzen. Eta horretan bat egiten du PP, PSOE eta Ciudadanosek osatzen duten Erregimenaren hiruko berriak.

Etorkizuna kezkagarria da. Menpekotasun egoera iraunarazi edota areagotzea da Espainiako Estatuaren eskaintza. Alternatiba bakarra dago horren aurrean: herri bezala burujabetza eskuratzeko estrategia bat abian jartzea. Gehiengo sozial zabal bat dago prozesua bultzatzen eta sostengatzen, eta bide horretan jarraitzeko mobilizazioa tresna baliagarria da oso.

Euskal Herriko kasuan, erronka ezkerretik burujabetza prozesua sustatzean datza. Horretarako, erabaki berriak hartu eta aliantzak lantzeko unea da.
 

 

 

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.