2024-07-24
HomeIndustriaMetalgintzaCorrugados Azpeitiako komiteak Euskal Herriko erakundeei enpresa ixtearen aurka lanean inplikatzea eskatu...

Corrugados Azpeitiako komiteak Euskal Herriko erakundeei enpresa ixtearen aurka lanean inplikatzea eskatu die

Corrugados Azpeitiako Komiteak Gallordo taldeak hartutako erabakia ontzat ez duela ematen eta Getafeko lantegiaren aldeko hautua Espainiaren aldeko hautu bat dela salatu du. Komiteak Azpeitiko herriari eta Eusko Jaurlaritza eta Gipuzkoako Diputazioari, langileekin batera erabaki honi aurre egiteko lanean jartzea eskatu die.

CORRUGADOS AZPEITIAko KOMITEAREN IRAKURKETA

«Atzo, denok dakizuen moduan, Gallardo Taldea komitearekin batu zen taldeak erabaki bat hartu duela esateko. Enpresa itxiko duela esateko. 300 langile zuzen eta beste ehundik gorako zeharkako langile kalera botatzeko erabakia hartu duela.

Egoera honen aurrean, hau da komiteak egiten duen irakurketa:

Erabakia ez dugu uste berria denik. Hainbatetan eta medioen aurrean adierazi dugu egoera hau ematearen arriskua bazegoela. Hainbat arrazoi zeuden honetaz ohartarazteko:
• Nominak eta iazko zorrak ordaindu gabe zeuden.
• Hornitzaileak printzipioz ez zerbitzatzeko agindua zuten.
• Bukatutako produkzioa enpresatik atera eta beste biltegi batetara eramanda zuela.
• Akordio sozialaren negoziaketa itxi gabe zegoen alde bien proposamenen artean hurbilketa ematen zenean. Negoziazioa bideratu egin zen sindikatuen partetik, aurrera joan zen sindikatuek egindako proposamenekin, soldatataz hitzegitea ere.
• Enpresako aktibitatea 6 hilabetekoa baino gehiago bermatzeari uko egitea. Epe honetan galerak egon ezkero itxiko zuela mehatxatuz.
• Azpeitiko zuzendaritzak euren kontratuak desegiteko eta 45 egun urteko indemnizazioa kobratzeko demanda sartuta zeukala jakin dugu aste honetan. Gallardo Taldeak hartu duen erabakia hartzeko lagungarria izan da. Las ratas las primeras en abandonar el barco.

Hau da enpresa, tesoreria ikuspegitik isolatuta zegoen eta gainera taldeak bezeroei begirako produkzioa Azpeititik kanpo nahi zuen. Bitartean, enpresak akordio sozialaren negoziaketa luzatzen egon da lantegian zegoen txatarra guztia funditu eta korrugado barra ateratzeko. Aurrekoetan bezala fede txarrez jokatu du enpresak langileekin.

Komiteak egoera honen aurrean egiten du hurrengo balorazioa:

Ez dugu ontzat ematen taldeak hartutako erabakia. Enpresa honek 300 lanpostu zuzenak eta ehundik gora zeharkakoak mantentzen ditu eta beharrezkoa da Azpeitiako herriarentzat, gaurko langile eta hurrengo belaunaldientzat.

Enpresa honek badu lekua merkatuan. Gallardok 300.000 tona bermatzen ditu eta Gipuzkoako Diputazioak egindako gestioei esker beste 150.000 tonak ekoizteko aukera sortu da.

450.000 tona nahiko lan karga da ixteko erabakia atzera botatzeko. Hau da norabidea, ez enpresa ixtea.

Erabakia hau, Getafeko lantegiaren aldeko hautu bat da, Espainiaren aldeko hautu bat. Guk hautu honen kontra era argi baten kokatzen gara eta hemendik deia egiten diogu Azpeitiko herriari eta Euskal Herriko erakunde publikoei, bereziki Eusko Jaurlaritza eta Gipuzkoako Diputazioari, langileekin batera erabaki honi aurre egiteko.

Corrugados Azpeitiak bizi behar du, Gallardo Taldearen barruan edo kanpoan. Merkatu nahikoa dugu erabaki hau aldatzeko, enpresak aurrera egiteko.
Komitekook erakunde hauekin hurrengo egunetan biltzea espero dugu egoerari buelta emateko aukerak aztertzeko eta, bide batez, erabaki honi nola egingo diogun aurre erabakitzeko.

Gure buruari eta, modu berean, gizarte osoari hau galdetzen diogu:
Gallardok, doanik hartu dezake honelako erabakia dauzkan ondorioekin? Erabaki hau hartzeko eskubidea onartuko diote hemengo erakundeek?
Zer egiteko prest gaude denon artean?

Azpeitiko herria gonbidatzen dugu lanpostuen defentsan prestatzen ari garen mobilizazioetan parte hartzera.» 

 

LAB SAREAN
{module[111]}

    

AZKEN ALBISTEAK | ĂšLTIMAS NOTICIAS

Eusko Jaurlaritzak onartutako langile publikoentzako soldataren igoerak erosahalmenaren galera eta Madrilekiko menpekotasuna dakar, beste behin ere

LABek Eusko Jaurlaritzaren Gobernu Kontseiluak langile publikoentzat (*) onartu berri duen %2ko soldata igoera salatzen du. Ikasturte honetan hiru greba eta hainbat mobilizazio egin ditugu soldata eta enplegua hemen erabakitzeko, bertan negoziatu eta adosteko. Hauek dira Jaurlaritzak agindutako azken neurriaren aurka azaltzen ditugun argudioak:

Prekaritateak dakarren lan segurtasun ezak hil egiten du

Gipuzkoako Kale Garbiketa sektoreko alderdi sindikal guztiak, ELA sindikatua izan ezik, pasa den uztailarean 10ean, Iruñean, gaueko txandan bere lana egiten zuen bitartean, lan istripuan hildako FCC-ko (Iruñerriko Mankomunitateko azpikontrata) langilearen familia, lagun eta lankideei elkartasuna eta babesa helarazteko, gaur uztailak 24, elkarretaratzea egin dugu Gipuzkoako FCC-ko egoitza nagusiaren parean, Hernaniko Zubiondo poligonoan.
00:20:31

Osasun sistema publikoa indartzeko neurriak aurkeztu ditugu

Langileen gehiengorik gabe Osasun Itunik ez dago.