2025-04-21
HomeIndustriaIndustria KimikoaCementos Lemonako langileek enpresa-hitzarmen ona adostea lortu dute

Cementos Lemonako langileek enpresa-hitzarmen ona adostea lortu dute

Hilabeteetako negoziazio eta mobilizazioen ondoren, LABek Hitzarmen Kolektiboa adostu du Cementos Lemonan, 130 langileko Arratiako porlan fabrikan. Akordio hau LABek deitutako mobilizazioek egin dute posible, baita mobilizazioak gogortzeko erabakiak ere, Cementos Lemonaren ehungarren urteurrenaren bezperetan. Enpresa honen 100 urteak hainbat belaunaldiren lanaren ondorio dira, eta akordio duin bat lortu ezean borrokan jarraitzeko jarrera irmoa erabakigarria izan da.

Edukiei dagokienez, gure balorazioa oso ona da. Guretzat ezinbestekoa zen ondorengo hiru gaiak jasotzea:

-Lan baldintzak hobetzea. Akordioak KPItik gorako soldata igoerak jasotzen ditu, eta igoerak ditu gaueko plusean eta produkzio priman. Enpresak zuen malgutasuna murriztu egin da, eta baimendutako soldatak hobetzeaz gain, zigor araudia aplikatzean enpresaren eskumena mugatu da.

– Enpresak aurrez ezarritako langileen arteko desberdinatasunak ezabatu dira. “Mando molino”ko langileen egoera hobetu da, eta haien egoera blindatu da, lanpostuak eduki gabe uzteko tentazioari aurre eginez. Harrobiko langileen kasuan, soldata diskriminazioa (soldata eskala bikoitza) kendu da, soldatak gorantz berdinduz.

– Etorkizunerako bermeak. Bi kontratazio berri adostu dira, eta langile kopurua mantentzeko konpromisoa lortu, inoiz Cementos Lemonako hitzarmen baten jaso izan ez dena.

Azaldutako edukiez gain, harro gaudela esan nahi dugu:

-Negoziaketa honetan izan dugun eredu parte hartzaileagatik, etengabean langile guztiekin baina bereziki
gai bakoitzarekin zuzeneko lotura zuten langileekin hartu emanetan egon garelako.

-Cementos Lemonan lan harreman eredu berri baten bidean urratsak eman ditugulako, interes partikularren gainetik interes orokorra ezarriz, ez beste zaharkitutako sindikalgintza ereduetan bezala. Izan ere, enpresa eroso zegoen interes partikularrak lehenesten zituen ereduarekin.

Amaitzeko, Cementos Lemonako langileak zoriondu nahi ditugu azaldu duten kemenagatik. Merezi dugu lortutako akordioa. Dena den, hau urrats bat besterik ez da, eta gure etorkizunaren defentsak borroka berriak ekarriko dizkigu.
 

 

 

AZKEN ALBISTEAK | ÚLTIMAS NOTICIAS

Enviserreko langileek greba gogortu dute, protestaren hirugarren astean

Hiriko parkeak, lorategiak eta eraztun berdea mantentzeko Gasteizko Udalaren kontrata den Enviser enpresako langileek hiru aste bete dituzte greban. Baldintza duinak jasoko dituen hitzarmen propio bat lortzea da beren helburua. Hainbat langilek Gasteizko udaletxearen aurrean pasa dute gaua, azken honen inplikazioa eskatzeko.

LABek ontzat jo du Iruñeko Udalaren eta alokairuzko bizikleten enpresaren artean sinaturiko akordioari esker langileei zor zitzaizkien soldatak ordaintzea

LAB sindikatuak duela bi aste salatu zuen Ride On Pamplona Iruñeko alokairuko bizikleta elektrikoen zerbitzuko langileak egoera larrian zeudela, sei hilabete baitzeramatzaten nominak berandu kobratzen eta, gainera, enpresak bi nomina oso zor baitzizkien. Iruñeko Udalak eta Ride On-ek gaur iragarri duten akordioaren arabera badirudi zerbitzuaren jarraipena bermatuko dutela eta enpresak berehala kitatuko dituela langileekin dituen zorrak.

LABek salatzen du milaka gutun banatu gabe daudela Gasteizen Correoseko langile faltagatik

Langilerik ez kontratatzearen ondorioz, kaosa sortu da azken hilabeteetan posta-banaketan, eta inoiz ikusi gabeko egoetara iristen ari da. Kontratazioan murrizketa hain handia da, kasu askotan ez dela inor ordezkatzen ari. Adibidez, Alde Zaharreko postariak urte erdi baino gehiago darama bajan, ordezkatu gabe.