Ostegunean jakin genuen, Nigeriako uretan zebilen TEEKAY enpresaren itsasontzi merkante batean, J.G. 53 urteko langilea hil egin zela, lan istripu ez traumatikoan. Dagoeneko 27 dira gutxienez 2017an Euskal Herrian euren lanpostuetan edo euren ondorioz hildako langileak, 3 Araban, 8 Bizkaian, 12 Gipuzkoan eta 4 Nafarroan.
LAB sindikatuak, lehenik eta behin, bere familia, lagun eta lankideei gure doluminak eta elkartasuna adierazi nahi dizkiegu.
LABetik betidanik salatu izan dugu, lan baldintzen ondorioz urtero hiltzen direla marinelak itsasoan. Egoera hauek ekidin dadin gaur egungo lan baldintza txarrak aldatu behar ditugu. Esate baterako, interes ekonomikoaren gainetik langileen segurtasuna eta osasuna bermatu behar dela, eta adibidez, ordutegi irregularren ondorioz tokatzen zaizkien atsedenak bete ditzatela, bai itsasoan baita lehorrean ere.
Horretarako, konpromiso politiko beharrezkoa da gaur egungo egoera mugiarazteko. Baina tamalez, administrazio publikoek (baita PNVek ere) kontrako bidea egin nahi dute, adibide argiena zamaketariena izanik. Haien asmoa ez da sektorea arautzea, haustea baizik. Horrek prekarizazioa eta lan baldintza txarrak ekartzen ditu, eta horren ondorioa da lan istripuak eta osasun galerak.
Istripua salatzeko egingo diren mobilizazioetan parte hartzeko deia egiten diegu langileei.