2024-06-15
HomeIndustriaMetalgintzaCandyko berrindustrializazio prozesurako oinarriak jasotzen dituen akordioa sinatu da

Candyko berrindustrializazio prozesurako oinarriak jasotzen dituen akordioa sinatu da

Gaur Foru Aldundiak, Candy enpresak eta Enpresa Batzordeak berrindustrializazio prozesurako oinarriak jasotzen dituen akordioa sinatu dute. Enpresa Batzordeak oso akordio ona dela uste du, kalitatezko lanpostuak mantentzeko aukera bizirik mantentzeko oinarria delako.

CANDYko Enpresa Batzordearen Balorazioa Foru Aldundia, Candy eta Candyko Enpresa Batzordeak sinatutako akordioaren inguruan

«Gaurko egunez, Candyko berrindustrializazio prozesurako oinarriak jasotzen dituen akordioa sinatu dugu, Gipuzkoako Foru Aldundiak aurkeztutako ibilbide orriaren arabera. Enpresa Batzordeak oso akordio ona dela uste du, kalitatezko lanpostuak mantentzeko aukera bizirik mantentzeko oinarria delako. Zentzu honetan, akordioa langile guztien inplikazioak egin duela posible uste dugu, Candyk hasieran trabak jartzen zituen arren. Bergarako herriaren elkartasuna ere garrantzitsua izan da akordio hau lortzeko.

Era berean, Gipuzkoako Foru Aldundiari eskerrak eman nahi dizkiogu, Candyren berrindustrializaziorako ibilbide orria aurkezteagatik, eta inbertsore berri baten bilaketan hartu duen konpromisoarengatik. Ez dakigu fruituak emango dituen, baiezkoan gaude, baina gure egoera berean dauden hainbatentzat beste kasu askotan baliagarria izan daitekeen ekimen aitzindaria dela uste dugu.

Baita ere, bide honek fruituak eman ditzan beste instituzioei (eusko jaurlaritza, udaletxe…) euren inplikazioa eskatzen diegu.

Azkenik, ahalegin hauek fruituak eman ditzaten lanean jarraituko dugu, hasieran jarri genuen helburua lortzeko: etorkizuna izango duen proiektu industrial batean kalitatezko enpleguak sortzea.

Langile borrokaz, etorkizun duina Bergaran!»

 

 

 

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.