2024-03-01
HomeEkintza Politikoa Borrokan jarraitzeko asmo betez bildu gara Baiona-Miarritzen

[ARGAZKI GALERIA] Borrokan jarraitzeko asmo betez bildu gara Baiona-Miarritzen

Abian da Baiona-Miarritzeko X. Biltzar Nagusia, “Bagara bagoaz” leloarekin. Bi egunez, ekainaren 16an eta 17an, aurreko biltzarrean hartutako erabaki nagusiak berretsi eta horiek garatzeko erabakiak hartuko ditugu.

Borroka, borroka eta borroka dugu ardatz, eta izaera horretatik tiraka ekin diogu biltzarrari. Kurtso honetan zehar 100 lantoki baino gehiagotan grebak deitu eta kalera atera gara. Kalean gaude. Lan eskubideen alde, enpleguaren defentsan, diskriminazioaren kontra… Agindu genuen eta bete dugu. Abian da borroka ziklo berria Euskal Herrian.

Borrokak merezi du. Eta borrokan jarraitzeko asmo betez bildu gara Baiona-Miarritzen. Datozen bost urteetarako LABen ardatzak, erronkak eta lan ildoak finkatuko dituzten erabakiak hartuko ditugu biltzarra bukatu bitartean.

AZKEN ALBISTEAK | ÚLTIMAS NOTICIAS

1.376 bozka eta 58 delegaturekin, LAB sindikatua da EAEko administrazioko langileen sindikatu nagusia

Milaka izan dira azken hilabeteetan zerbitzu publikoen lantokietako hauteskunde sindikaletan parte hartzeko aukera izan duten langileak. Horren ondorioz, bestelako proposamen sindikalen artetik LAB izan...

Greba egun arrakastatsua Amazonen, enpresak langileen asmoei jaramonik egiten ez dien bitartean

Gaurko greba egunaren balorazioa oso positiboa da, parte-hartzea erabatekoa izan dela esan dezakegu. Plantilla finkotik arduradun gehienak sartu dira, baina kontuan izan behar da arduradunek ez dutela pakete bat bera ere ukitzen, eta, beraz, oinarrizko langileek ez badute lan egiten Amazoneko operatiba guztia ez da ateratzen.

SKOLAEren kontrako azken erasoa salatzen dugu

Administrazioari eskatzen diogu har ditzala beharrezko neurriak ikastetxeetan aniztasunaren aldeko programa hau aurrera eramaten dela bermatzeko. Hezkidetzan eta feminismoan oinarritzen den programaren aurkako enegarren erasoa da hau, eta LAB sindikatuan ez dugu onartuko horrelako eraso gehiagorik!