2024-03-28
HomeIndustriaMetalgintzaBizkaiko Metalgintzako 2001/03ko hitzarmenak indarrean dirau

Bizkaiko Metalgintzako 2001/03ko hitzarmenak indarrean dirau

LAB sindikatuak hainbat komunikabidetan esandako informazio zein balorazioen aurrean Bizkaiko Metalgintzako 2001/03ko hitzarmenak indarrean dirauela eta bere lan baldintzak bizkaiko metalgintzako langilegoari aplikagarri direla adierazi nahi du.

LAB sindikatuaren oharra hainbat komunikabidetan esandako
informazio zein balorazioen aurrean

Bizkaiko Metalgintzako 2001/03ko hitzarmenak indarrean dirau eta bere lan baldintzak bizkaiko metalgintzako langilegoari aplikagarri

Lehenik eta behin argi utzi nahi dugu EAEko Auzitegi Nagusiak 2014ko ekainaren 10ean emandako epaiak, non 2008/2011ko Bizkaiko Metalgintzako Lan Hitzarmenak, eragin mugatukoa, CCOO eta UGT sindikatuek sinatutakoa, indarrean ez dagoela ebatzi duena, ez du bere baitan ekartzen ez denik Bizkaiko Metalgintzako Lan Hitzarmenik.

Esan ez dena da, 2001/2003ko Bizkaiko Metalgintzako Lan Hitzarmena, hau bai eragin orokorrekoa, hau bai gehiengo sindikalak sinatutakoa, hau bai aplikazioa orokorrekoa (ez mugatukoa), hau bai lan legediaren arabera arau izaera duena, hau bai EAEko Justizia Auzitegi Gorenak 2014ko martxoaren 14ean emandako 514/2014 zenbakidun epaian indarrean jarraitzen zuela, hau da, ultraaktibitatean dagoela ebatzi zuen, eta beraz bi aldeentzat nahitanahiez aplikagarri.

Beraz, gaur egun metalgintzako Bizkaiko hitzarmenik ez dagoela esatea, EAEko Justizia Auzitegi Nagusiak emandako ebazpena aintzat ez hartzea da, eta patronalak lan hitzarmen honetan jasotako lan baldintzak aintzat hartu ez eta okerragoak inposa ditzakela baieztatzea, erabateko gezurra da, legean oinarritzen ez dena, eta beraz okerreko informazioa da, nahastea sortzen duena.

Bigarrenik, sektorearentzat duinak izango diren lan baldintzak ekarriko dituen irtenbidea bi aldeen arteko negoziaketan datza lan hitzarmen berri bati begira, horretarako LAB sindikatuak bere proposamena aurkeztu zuen, eta gaur da eguna patronalak ez duela erantzun zergatik ez den posible.

Hirugarrenik, FVEMek duen jarrerarekin, 2001/2003ko lan hitzarmena indarrean dagoela aitortu barik jarraituz eta askoz okerragoak izango diren lan baldintzak inposatu nahian, argi uzten du negoziatzeko duen borondate eza, horren aurrean LABek lan zentroetan, kalean zein mahai negoziatzailean borrokan jarraituko du, mobilizatzen eta beste sindikatuei (ELA, CCOO eta UGT) elkarrekin mobilizatzera deia eginez.

 

 

 


AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.