Otsailerako iragarritako bigarren greba eguna egin dute, LAB, ELA, UGT eta USO sindikatuok deituta. 5 urte baino gehiago daramate soldata izozketa eta lan eskubideen galerarekin, eta enpleguaren behin-behineko tasa handia da sektorean, lanaldi partzial ugarirekin. Malgutasuna gero eta handiagoa denez, lanaren eta norberaren bizitzen arteko kontziliazioa oso zaila bihurtu da. Hortaz, langile hauen lan-baldintzak prekarioak dira eta, ondorioz, eskaintzen duten zerbitzuaren kalitatean du eragina. Egoera honen berri emateko irten dira berriro kalera, eta manifestazioa egin dute Bilbon. Martxoaren 5, 6 eta 7an beste hiru greba egun egingo dituzte.