Bizkaiko Etxez Etxeko Laguntza Zerbitzuko langileak laugarren greba eguna egin dute. Hain justu, astebeteko greba egiten ari dira, enpleguaren eta kalitatezko zerbitzuaren alde, eta egunero Prekarietatearen Aurkako Martxa izenekoa egiten ari dira. Gaur Algorta eta Areeta artean egin dute protesta, eta, bihar, grebaren azken egunean, Basaurin hasi eta Bilbon amaituko dute mobilizazioa.