2024-06-24
HomeZerbitzu PribatuakBulego eta despatxuakBizkaiko bulego eta langeletako langileak kalera aterako dira abenduaren 22an hitzarmenaren alde

Bizkaiko bulego eta langeletako langileak kalera aterako dira abenduaren 22an hitzarmenaren alde

Bizkaiko bulego eta langeletako 30.000 langileek 10 urte daramate hitzarmenik gabe. Gaur, propaganda banatzen aritu dira Bilboko metroko geltokietan eta prentsaurrekoa egin dute Unamuno plazan, hitzarmena lortzeko kalera aterako direla iragartzeko, patronalak ez dielako inolako irterbiderik ematen. Horrela, abenduaren 22an, 19:00etan, manifestazioa egingo dute Bilboko Plaza Eliptikotik abiatuta, LAB, ELA, CCOO, UGT eta CGT sindikatuek deituta.

Sindikatuon arabera, patronalak presioa sentitu behar du, interpelatua sentitu behar da eta sektoreko langile guztien artean lortu behar dute hitzarmen berria. Ezin dituzte soldatak beste minutu batez ere izoztuta eduki. Azken urteotan, KPIaren igoeren ondorioz, Bulego eta Langeletako sektoreko eros-ahalmenaren galera gero eta handiagoa da, eta langileek ez dute onartuko. Hori dela eta, datorren abenduaren 22ko manifestazioan parte hartzera dei egiten diete langileei.

Bada garaia langileak entzun ditzaten. Bada garaia Bizkaiko bigarren sektore handienari bere eskubideak aitortzeko. Bada garaia Bizkaiko Bulego eta Langelen sektorea osatzen duten 30.000 langileek eurena denaren alde borroka egin dezaten. Bada garaia patronalak euren hitzarmena bahitzeari utz diezaion.

AZKEN ALBISTEAK | ÚLTIMAS NOTICIAS

Espainiar Estatuko langile publikoentzako soldata igoera inposatua da eta erosahalmenaren galeran sakontzen du Hego Euskal Herriko langileentzat

LABen ez dugu ontzat ematen bihar Espainiako Gobernuko Ministro Kontseiluak Estatu osoko langile publikoentzako (*) onartuko duen %2ko igoera gehi %0.5eko baldintzatutako gehigarria.

Zumarragako posta zerbitzuaren egoera onartezina da

Plantillari dagokionez, lanpostu huts ugari daude; adibide gisa, goizeko txandako langileen egoera; izan ere, egun batzuetan 5 pertsona baino ez daude bete beharreko 13 lanpostutarako, hau da, % 62 ez da betetzen. Zoritxarrez, egoera hori oso ohikoa da lantoki honetan. Plantillak hainbat elkarretaratze egin ditu langile-falta salatzeko, baina arazoa ez da hobetzen hauteskunde-aldiaren ondoren, eta enpresak ez du inolako asmorik kontrataziorik egiteko. Uztailaren 7an oporraldian sartuko gara eta oporretara joango diren langileak inork ez dituela ordezkatuko aurreikusten da.

Nafarroako Zurgintzako hitzarmena sinatu dugu, eskubideetan aurrerapenak baititu eta erosteko ahalmenari eusten baitio

Gaur goizean LAB sindikatuak Zurgintza sektoreko Nafarroako hitzarmena sinatu du, 2023 eta 2025 urte bitarteko indarraldia izanen duena. Hitzarmen honek eskubideak handituko ditue eta langileen erosteko ahalmenari eutsiko dio; nahiz eta negoziazioak iraun bitartean patronala behin eta berriz saiatu den lan baldintzak okerragotzen praktiketako kontratuen soldatak txarragotzeko edo soldata igoera KPItik aldentzeko bezalako neurriekin.