2026-11-19
HomeZerbitzu PribatuakGarbiketaBizkaiko Aldundiko garbitzaileek grebara joko dute

Bizkaiko Aldundiko garbitzaileek grebara joko dute

Maiatzaren 28, 29 eta 30erako erregistratu dituzte gaur, Bilbon, Eusko Jaurlaritzaren egoitzan. LAB, ELA, UGT, ESK eta CCOO sindikatuok deitu dugu grebara.

Hauxe da Garbialdiko langileek egindako oharra:

6 urte igaro dira Aldundiko Garbitzaileek hitzarmena negoziatzeari ekin genionetik eta gure soldatak 2010. urtetik izozturik daude.

Enpresa esleipendunak, Garbialdik, egiten duen eskaintza ekonomikoa, erraz laburbildu daiteke: %0,3ko igoera 2017. urterako, aurreko urte guztietan %0koa izanik eta 0 ere 2018 eta 2019 urteetarako. Hara, 0,14€-tako soldata igoera 8 urteetako epe batean -eta horrenbeste lanaldi osoa dutenentzat, jakina-.

Enpresak erakusten ari zen borondate faltaz nazkatuta eta azken urteetan jasan ditugun murrizketak salatzeko helburuarekin, pasa den abenduaren 5ean asteroko mobilizazioak martxan ipini genituen. Astearte horretatik, ez dugu inoiz deialdi horietara hutsik egin.

Azken asteetan protestak areagotu ditugu gainera: Ogasuneko eraikinean egunero kontzentratu izan gara bost urteetan zehar eta baita karpa iraunkor bat ipini dugu Jauregi Foralaren aurrean gure errealitatea ezagutzera emateko. Protesta hauetara eraman ditugun pankartetan hurrengoko leloak irakur zitezkeeen: “GARBIALDI, ALDUNDIA: NEGOZIAZIOA ORAIN” edota “ADITU NAHI EZ BADUZUE, ENTZUNGO GAITUZUE”.

Gure errealitatea ezagutzera emateko eta egoera desblokeatzeko burutu ditugun ekintzen artean, Enplegu, Gizarte inklusioa eta Berdintasun saileko diputatua den Teresa Laespadari eta Aldundiko Zerbitzuen Zuzendari nagusia den Jesus María García Larraganeri gurekin batzar zitezela eskatu genien. Ez bata ez besteak ez dute interesik azalarazi batzar horren inguruan.

Aldundiko zentroak garbitzen ditugun langileak gara. Denbora luzez gure hitzarmena erreferentziazkoa izan zen sektoreko beste lankide batzuentzat, baina azken urteotan errealitate hau karkaildu egin da, gaur egun, jasanezina izatera heldu delarik.

Zortzi urte pasa dira gure soldatak izozturik daudenetik, lan-zamak etengabe areagotzen dira bajan dauden lankideak ordezkatzen ez dituztelako eta bakante gelditzen diren lanpostuak amortizatzen dituztelako, lanaldiak murriztu dira, eta gero eta gehiago dira gaixotasun profesionalak direla eta behin-behineko ezgaitasun egoeran dauden langileak.

Egoera honetaz nazkatuta gaude. Kontuan har gaitzatela eta Aldundia gatazka honen ebazpen baketsuan parte har dezan nahi dugu, Garbialdi mugitzera behartu dezala.

Horregatik maiatzak 28, 29 eta 30ean 3 greba egun aurrera eramango ditugu. Aldundiko arduradunak, omisioagatik bere lan zentroak garbitzen ditugun langileen prekarizazioan laguntzen ari dira eta egoera honi amaiera ipini behar diogu.

 

 

 

AZKEN ALBISTEAK | ÚLTIMAS NOTICIAS

Arabako ardogintzaren sektorea mobilizatu egin da hitzarmenaren alde

Gaur izan da udazkeneko lehen mobilizazioa.

Anbulantzietan 1400 milioi euroko pribatizazioa geldiaraztea #LortuDugu eta zerbitzuaren publifikazio osoa exijitzen diogu EAEko Osasun Sailari

Kontratuen Inguruko Errekurtsoen Administrazio Organoak (KEAO) arrazoia eman dio sindikatuari, eta bertan behera utzi ditu bai larrialdietako anbulantzien (LGSS), bai anbulantzia ez-asistentzialen lizitazioak. Ebazpenek berretsi dute Osasun Sailak ez duela justifikatu baliabide propiorik ez izatea, eta gogorarazi dute legeak kudeaketa publiko zuzena lehenesten duela.

Nafarroako Enplegu Zentro Berezietako lan-prekaritatea salatu dugu eta diru publikoaren gaineko kontrol handiagoa eskatu dugu

LAB sindikatua mobilizatu egin da gaur goizean Nafarroako Enplegu Zentro Berezien (EZB) sektoreakin, Nafarroako Foru Komunitatean arlo horretako langileek pairatzen dituzten lan-baldintza prekarioak publikoki salatzeko. Sindikatuak Nafarroarako berariazko arau-esparru bat eskatu du, sektoreko langile guztientzako lan-baldintza duinak bermatzeko eta plantillen arteko desberdintasunak saihesteko.