2024-03-19
HomeZerbitzu PublikoakGarraioaBizkaibuseko lanuzteek erantzun zabala izan zuten

Bizkaibuseko lanuzteek erantzun zabala izan zuten

LAB sindikatuak jakinarazi nahi du, atzo goizean, 07:30etik 09:30ak arte, Bizkaibuseko enpresa emakidunetan deitu ziren lanuzteek erantzun zabala izan zutela. 

Lanuztea %100ekoa jazo zen TCSAn, CAVSAn, Encartacionesetan, ADNORen eta Lujuako Autobusetan. Horrela, eskaini zen zerbitzua Gasteizeko gobernuak ezarritako %30eko gutxieneko zerbitzuetara mugatu zen. Gidariez gain, tailerretako eta bulegoetako beharginek lanuzteari erakutsi atxikipena %100ekoa izan zen.

PESAko kontzesionarioan zuzendaritzak ez zituen bete gutxieneko zerbitzuak, ohiko zerbitzuarekin bat ez datozen laneko koadranteak ezarri zituelako. LAB sindikatua Laneko Ikuskaritzan salatzeko aukera ebaluatzen ari da, grebarako eskubidea urratzen delako.

LABek gogorarazi gura du irailaren 26rako, eguena, BIZKAIBUSen ordezkatuak gauden sindikatu guztiok 24 ordutako greba deitu dugula.

LABek oso onuragarria deritza Bizkabuseko beharginek, euren eskubideen defentsan, garraio publikoaren eta honen kalitatearen defentsan azaldu duten erantzun ahalmen handiari. Beharginak animatzen ditugu euren lanpostuak bermatzeko dinamikari eutsi diezaioten.

Modu berean, LABek deitzen du Bizkaiko Foru Aldundia, behingoagatik, berbetatik haratago, bere gain har ditzan enplegua bermatzeko konpromisoa, Bizkaibuseko zerbitzua hobetzea adostu dezan, linea berriak udalen eta hiritarren premien arabera egokitu ditzan. Horrengatik ezinbestekoa deritza gizarte-eragileekin, sindikatuekin eta alderdi politikoekin negoziazio-mahaia sortzeari, adostuz, ahalik eta zerbitzurik hoberena eskaini behar zaiela hiritarrei.

Enpleguaren eta gizartearen defentsan! Kalitatekoa eta publikoa den Bizkaibus gura dugu! 

LAB sarean
{module[111]}

       

AZKEN ALBISTEAK | ÚLTIMAS NOTICIAS

Martxoaren 22an egingo da Gipuzkoako metalaren merkataritzaren hitzarmen kolektiboa berritzeko negoziaketa mahaia osatzeko bilera

Ostiral honetan, martxoaren 22an, Gipuzkoako metalaren merkataritzaren hitzarmen kolektiboa berritzeko negoziaketa mahaia osatzeko bilera egingo da. Hitzarmen honek 15 urte daramatza berritu gabe. LABen ideiak argi ditugu, ezinbestekoa da azken 15 urteetan sektoreko langileek galdutako eros ahalmena berreskuratzea eta lanaldia jaistea. Bi puntu hauek izango dira LABen helburu nagusiak.

Azkoitiko lan-zentroko ABEEEa bertan behera uzteko eskatu diogu Sidenorreko zuzendaritzari

Pasa den martxoaren 8an jakinarazi zigun Sidenor enpresako zuzendaritzak Azkoitiko eta Reinosako lan-zentroetan produkzio eta organizazio arrazoiengatiko Aldi Baterako Enplegu Erregulazio Espediente (ABEEE) bat martxan jartzeko asmoa zuela. Martxoaren 14an izan genuen negoziazio batzordea sortzeko eta dokumentazioa jasotzeko bilera.
00:02:19

Ezkerraldeko eta Meatzaldeko langileentzat lan eta bizi baldintza duinak aldarrikatu ditu LABek

Gaur, LABek deituta, ehunka lagunek Sestaoko kaleak hartuko dituzte, Ezkerraldeko eta Meatzaldeko langileentzat etorkizun duina aldarrikatzeko. Langileon lan eta bizi baldintzak borrokatzeko. Izan ere, bada denbora bat EAJk eta PSOEk Ezkerraldea zein Meatzaldea desindustrializatzeko estrategia martxan jarri zutela: ehun industriala suntsitu eta, trukean, zerbitzuen sektorea ezarri, logistikaren eta biltegiratzearen mesedetan.